Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Zgjedhjet në Greqi/ Garuan 7 shqiptarë, nuk morën asnjë mandat

Politiko 22 Maj 2023, 18:00

Zgjedhjet në Greqi/ Garuan 7 shqiptarë, nuk morën asnjë

Në zgjedhjet e djeshme në Greqi, 7 shqiptarë morën pjesë në garë, por asnjëri prej tyre nuk ka arritur që të sigurojë një mandat deputeti.

Shkak për këtë duket se është bërë fakti që shumë shqiptarë nuk kanë marrë pjesë në votime dhe renditja në lista është një tjetër faktor.

Njohësi i ligjit grek Etmond Guri në një komunikim live me Report TV tha se shqiptarët nuk arritën të marrin një mandat deputeti. 

“Fatos Malaj, Niko Bilika kandiduan për partinë PASOK, njëri në Athinë dhe tjetri në Selanik. Ndërsa tre kandidatë Adiljan Koxhaj, Makrina Koci dhe Angjelos Jahollari garuan me “Syriza” në Selanik dhe Evia. Sidorela Kalthi ishte kandidati i Partisë Komuniste greke në Kretë dhe Paty Vardhami në Athinë me nismën “MERA 25”. Sipas Gurit emigrantët kanë votuar tradicionalisht qeverinë në pushtet”, thotë ai.

Në zgjedhjet parlamentare të 21 majit kanë marrë pjesë vetëm 8 mijë shqiptarë nga mbi 126 mijë që janë në të gjithë Greqinë me pasaporta greke. Ndërkohë fituesi më i madh i zgjedhjeve Mitsotakis do të çojë vendin sërish në zgjedhje duke mos pranuar formimin e koalicioneve e duke kërkuar 25 qershorin si datë, por ende nuk ka një vendim nëse do pranohet kjo datë apo do ngelet 2 korriku për raundin e dytë.

 

Të fundit