Flash News

E-TJERA

Zgjedhjet/ Pastërtia e kandidatëve dhe implementimi i teknologjisë, Celibashi tregon masat e marra

Zgjedhjet/ Pastërtia e kandidatëve dhe implementimi i
Kreu i KQZ-së, Ilirjan Celibashi

Kreu i Komisionit Qendror të Zgjedhjeve Ilirjan Celibashi në një komunikim për mediat foli për implementimin e teknologjisë në zgjedhjeve.

Ai u shpreh se nëse nuk do të ketë konsensus nga të gjitha palët atëherë nuk do të fillojë implementim i këtij sistemi tashmë të propozuar. Celibashi nënvizon se për votën e emigrantëve, ka edhe disa probleme teknike.  

“Kemi pak kohë në dispozicion për votën e emigrantëve. Duam të gjejmë një konsensus dhe nëse njëra palë ka besim tek zgjidha teknike që ne ofrojmë dhe pala tjetër jo, ne nuk do ta ofrojmë si çështje. Është me rëndësi që të gjitha palët politike të ndjehen komod në këtë sistem. Besojmë se kemi ofruar një zgjidhje të sigurt, transparente, por theksoj se nuk mund të fillojmë implementimin e këtij sistemi nëse një nga palët nuk do të jetë dakord. Fundi i javës tjetër mund të na gjejë me një draft të dakordësuar”, u shpreh Celibashi.

Sa i përket dekriminalizimit, ai tha se institucioni që ai drejton mund të bëjë të paktën verifikimet e para për kandidatët për deputetë.

Ai theksoi se do të ndërtohet një sistem transparence, ku qytetarët por edhe media mund të raportojnë raste të kandidatëve të dyshimtë.

“Në krahasim me zgjedhjeve vendore numri i rasteve teorikisht është më i vogël, në rastin maksimal 140 kandidatë për 5-6 apo 7 parti politike se nuk besoj se do ketë më shumë se kaq. Për këtë numër KQZ pak a shumë i ka kapacitetet për të bërë të paktën verifikimet e para. Pastaj për verifikime të thelluara mund të kërkohet angazhim dhe të Zyrës së prokurorit të Përgjithshëm.

Për disa verifikime mund të kërkohet angazhim edhe të Zyrave Ndërkombëtare, homologe të Zyrës së Prokurorit të Përgjithshme. Ne po ndërtojmë një sistem në kuadër të transparencës, në faqen e internetit të KZQ, të raportimit dhe bërjes publike të të dhënave. Me këtë rast nxis qytetarët apo juve si medias që, që në momentin e parë të bëjnë publike rastet për të cilat kërkohet vëmendja e KZQ”, deklaroi Celibashi.

 

 

Ditari politik

Të fundit