Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

Zgjedhjet vendore, KQZ: E paqartë se kush do financojë kë dhe sa është vlera

Politiko 23 Nëntor 2022, 10:18

Zgjedhjet vendore, KQZ: E paqartë se kush do financojë kë dhe sa

KQZ ka zhvilluar sot një tryezë konsultimi për financimin e partive politike. Kryetari, Ilirjan Celibashi tha se nuk sheh arrogancë nga partitë politike në lidhje me atë çka parashikon Kodi Zgjedhor për financimet, por sipas tij ka ende nevojë për përmirësime. Ai u shpreh se mbetet e paqartë se kush duhet të financojë kë dhe se sa është vlera e financimit.

“Theksoj se nuk e konstatoj arrogancën e partive politike për ta shpërfillur hapur atë që ka sanksionuar Kodi Zgjedhor në raport me financimin e politikë. Kjo nuk do të thotë se ne nuk kemi asnjë problem si parti politike në qasjen e tyre në lidhje me financimin, por duhet ta themi se të gjithë përpiqen.

Ky është një hap i mirë le të themi, pasi duket sikur palët janë të ndërgjegjësuar për rëndësi që ka zbatimi i këtyre normave ndoshta edhe frikën për të mos u sanksionuar.

Jo të gjithë e kemi të qartë se kush duhet të financojë kë, sa është vlera e financimit. Akoma nuk kemi një qartësi në lidhje me limitet dhe kufijtë që media ke në lidhje me raportimin dhe pasqyrimin e veprimtarive elektorale në tërësi”, u shpreh ai.

Celibashi tha më tej se KQZ do të mbikëqyrë veprimtarinë e institucioneve, por edhe të funksionarëve të tjerë publike, në mënyrë që ata të veprojnë sipas Kodit Zgjedhor gjatë fushatës elektorale.

“Për institucionet publike mund të thuhet që ne kemi nevojë të diskutojmë për të parë se çfarë kuptueshmëria ka secili prej nesh në lidhje me atë se si duhet të jetë veprimtaria e institucioneve dhe e funksionarëve publike gjatë fushatës zgjedhore sidomos e atyre që janë në ushtrim të detyrës së tyre dhe pjesëmarrjes në garë elektorale

Zgjedhjet e ardhshme të 14 majit, duket se do të ketë një numër jo të vogël të kryetarëve të bashkisë të cilët janë në detyrë dhe do të garojnë në këto zgjedhje.

Është e rëndësishme të kuptojnë ata dhe ne qartësisht se ku është kufiri mes përmbushjes normale të funksionit të tyre si kryetar bashkie me veprime të cilat apo aktivitete që janë pjesë e fushatës së tyre elektorale.

Ne do punojmë ngushtë me partitë politike, shoqërinë civile dhe faktorë të tjerë që të qartësojmë sa është e mundur se ku janë këto limite.

Ne do të kemi gjithë vëmendjen për të mbikëqyrur këtë sjellje dhe për të vepruar sipas kodit zgjedhor. Para se ta bëjmë këtë ne do të përpiqemi që të qartësojmë të gjithë se çfarë ligji e rregullon ketë aspekt, që nesër të mos e ketë si pretekst, duke thënë që unë pata këtë kuptim për këtë dispozitë të kodit zgjedhor, prandaj kam bërë këtë veprimtari, pasi kam menduar që kjo veprimtari nuk mund të përkufizohet si e ndaluar në kodin zgjedhor”, tha Celibashi.