Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Zgjerimi i biznesit në bulevardin e Pogradecit prish shatërvanin, bashkia nuk di si të përgjigjet: E kemi në inventar

Politiko 21 Shkurt 2025, 22:09

Zgjerimi i biznesit në bulevardin e Pogradecit prish shatërvanin,

 Emisioni Fiks Fare solli rastin e një qytetari i cili ankohet për zënien e hapësirës publike në bulevardin i cili ndodhet në qytetin e Pogradecit.

Qytetari tregon se kjo hapësirë publike është bllokuar nga ndërhyrja e bizneseve që ndodhen në bulvard dhe si pasojë ai nuk ka se ku të kalojë që të shkojë në shtëpinë e tij.


Ai tregon se bashkia u ka dhënë fëmijëve të tij një çelës për të çmontuar një stol sa herë duan të futen në shtëpi dhe ta vendosin sërish pas hyrjes. “Në fillim u zgjerua lokali ‘Hymeti Palace’, më pas edhe të tjerët kërkuan leje.

“Tani hyrja e shtëpisë është e bllokuar nga tavolinat e lokaleve,” shprehet ai, duke kërkuar ndihmën e Fiksit.

Gazetarët e Fiksit faktuan se bizneset kanë zënë hapësirat publike deri në atë pikë sa një shatërvan në bulevard është zhdukur. Nga ai ka mbetur vetëm një cep, ndërsa pjesa tjetër është shkatërruar për t’i lënë vend tavolinave dhe karrigeve.

Për të kuptuar se si ka ndodhur kjo, gazetarët shkuan në bashki, por drejtoritë përgjegjëse hezitonin të jepnin një përgjigje përfundimtare

Drejtori i Urbanistikës nuk ndodhej në zyrë, por deklaroi se nuk e dinte për shatërvanin dhe se duhej një konfirmim nga Drejtoria e Gjelbërimit. Kjo e fundit, nga ana tjetër, u shpreh se çështja nuk është në kompetencën e saj, por i përket Urbanistikës.

Gazetarët e Fiks Fare kërkuan një informacion nga  kryetarit i Bashkisë Pogradec, i cili tha se nuk besonte të ekzistonte një dokument që lejonte prishjen e shatërvanit. “ Si në të gjitha bashkitë e tjera, nuk ka bashki aq të rregullta” tha Ilir Xhakolli.

Ai më pas delegoi çështjen te një tjetër punonjëse, e cila konfirmoi se shatërvanët janë pronë e bashkisë dhe nëse një subjekt privat e ka prishur, ai duhet të paguajë dëmshpërblim. “Shatërvani është ende në inventarin tonë,” tha ajo./Top Channel

Të fundit