Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Zhdukja e biznesmenit Pecorelli, mediat italiane: Pala shqiptare s’ka sjellë ende mostrat e ADN-së

Politiko 5 Shkurt 2021, 10:22

Zhdukja e biznesmenit Pecorelli, mediat italiane: Pala shqiptare s’ka

Një muaj pas zhdukjes së biznesmenit italian në Shqipëri, Davide Pecorelli në një fshat të Pukës, pala shqiptare akuzohet për vonesat në dërgimin e mostrave të ADN-së, për ti krahasuar ato me të vëllait të tij, dhe për të dalë në përfundime.

Media italiane, “La Nazone”, i ka dedikuar një artikull ngjarjes duke theksuar, sipas tyre, tre elementët kyç që karakterizojnë çështjen.

“Tre elementë – jo të parëndësishëm – karakterizuan ditën e djeshme frontin e hetimeve për zhdukjen e biznesmenit dhe ish-arbitrit Davide Pecorelli. Kur ka kaluar fiks një muaj nga zhdukja e tij në Pukë, hetuesit italianë kanë nisur nga puna. Partnerja e tij shqiptare, me të cilën edhe ka një djalë, është marrë disa herë në pyetje lidhur me zhdukjen e Pecorellit. Hetuesit italianë janë ankuar sërish punë e kolegëve shqiptarë, pasi as dje në Itali nuk kanë shkuar eshtrat e zbuluara brenda makinës, në mënyrë që të krahasohet ADN-ja me atë të vëllait, Antonello. Prandaj, koha po kalon dhe informacionet nuk po merren dhe jepen në kohën e duhur nga policia shqiptare. Ditët e fundit, miku i tij tregoi se 45-vjeçari po shkonte për të investuar në Shqipëri me markën ‘Hairdressers Milan’. Midis tetorit dhe nëntorit, Pecorelli kishte pritur në Itali partnerët nga Shqipëria, duke i rrëfyer shokut se kishte “një takim të rëndësishëm…”. Por çfarë mund të ketë ndodhur me Daviden në atë zonë të largët në veri të Shqipërisë? Askush nuk beson në vetëvrasje, pak mundësi ka që mjeti të ketë marrë flakë aksidentalisht, dhe Pecorelli të ketë qenë i paaftë për të dalë. Kockat e gjetura në makinë i përkasin vetëm 5% të trupit. Nëse ADN konfirmon se ato janë të tijat, atëherë hetimi mund të zhvendoset në dyshimet për vrasje, dhe se pjesa tjetër e eshtrave është e zhvendosur aty pranë. Nëse prova e ADN-së dështon (siç shpresojnë të gjithë), do të hapet një tjetër pistë hetimi”, shkruan La Nazone.

Të fundit