Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Zhdukja e fëmijëve shqiptarë/ Qeveria britanike nuk e njoftoi Tiranën, CRCA: E ka detyrim t’i mbrojë
Nga 200 fëmijë azilkërkues që janë zhdukur nga hotelet, ku i kishte strehuar qeveria britanike, 88% ishin shqiptarë, sipas ministrit Lord Murray, duke shkaktuar zemërim në Tiranë për mungesën e përgjegjësisë nga autoritetet britanike dhe për faktin se ata nuk ishin njoftuar.
Qendra për të Drejtat e Fëmijëve në Shqipëri (CRCA) i tha EURACTIV se qeveria e Mbretërisë së Bashkuar ka detyrime sipas ligjit për t'i mbrojtur edhe pse janë të huaj.
“Këto fakte ngrenë një pyetje shumë serioze mbi aftësinë e qeverisë së Mbretërisë së Bashkuar për të mbrojtur fëmijët. E drejta ndërkombëtare kërkon nga MB të mbrojë fëmijët e pashoqëruar njësoj si fëmijët britanikë. Duhet të pyesim veten nëse kjo mungesë kujdesi dhe përgjegjësie vjen nga fakti që ata janë fëmijë të huaj”, ka thënë CRCA.
Marrëdhëniet midis Mbretërisë së Bashkuar dhe Shqipërisë janë lëkundur për shkak të çështjes së vazhdueshme të migracionit. Vitin e kaluar pati një rritje të numrit të azilkërkuesve shqiptarë që paraqisnin aplikime në Mbretërinë e Bashkuar, ndërsa mijëra shkuan në rrugë paligjshme përmes varkave.