Zhdukja e turistit australian në Alpet Shqiptare, familja pa përgjigje prej 8 muajsh, punëson hetues privat

Familja e një alpinisti australian i cili u zhduk pa gjurmë përgjatë një shtegu të njohur për këmbësorë në Alpet Shqiptare është ende në kërkim të përgjigjeve pasi kanë kaluar 8 muaj nga zhdukja e tij.

Cameron Twiss, 28 vjeç, po udhëtonte vetëm pa një udhërrëfyes kur u nis në një shteg prej 17 km midis Valbonës dhe Thethit në veri të Shqipërisë më 13 tetor të vitit të kaluar.

Autoritetet zbuluan sendet dhe pasaportën e Twiss në dhomën e tij në qytetin e Shkodrës pasi u dha alarmi. Ai ishte nisur në shteg me një grup turistësh që kishte takuar në Valbonë natën e kaluar, por zgjodhi të shkonte vetëm pak më tej.

Policia dhe ekipet e shpëtimit kaluan dy javë duke kërkuar në këmbë, me helikopterë dhe me dronë, por nuk gjetën asnjë gjurmë të australianit të zhdukur.

Familja e Twiss ka marrë masa drastike në kërkimin e tyre për përgjigje, duke përfshirë punësimin e një hetuesi privat, për të zbuluar se çfarë ka ndodhur duke mbledhur edhe një fond për të përballuar hetimin, shkruan "Daily Mail".

“Pavarësisht përpjekjeve të vazhdueshme, ende nuk kemi përgjigje”, shkroi vëllai i tij Stuart.

Deri më tani policia shqiptare nuk ka gjetur asnjë provë dhe DFAT (Departamenti i Punëve të Jashtme dhe Tregtisë) nuk ka qenë në gjendje të ndihmojë.

“Familja jonë tani ka punësuar hetues privatë, por pavarësisht përpjekjeve të tyre, nuk kemi pasur asnjë përparim. Po ju drejtohemi për të kërkuar ndihmë. Mbështetja juaj mund të bëjë një ndryshim të vërtetë në ndihmën tonë për të gjetur përgjigje”, ka thënë ai.

Më shumë se 5,500 dollarë janë mbledhur tashmë drejt një objektivi prej 10,000 dollarësh brenda 24 orëve të para.

Zhdukja e tij Twiss shkaktoi polemika të shumta, duke përfshirë një sulm ariu, një aksident të papritur dhe një lojë të ligë.

Twiss humbi dy muaj pasi një burrë lituanez u zhduk në shteg në shtator.

Mikesha e saj Purnima Flanagan ndau mesazhet e saj të fundit me Tëiss më 12 tetor - një ditë para se ai të zhdukej.

Në mesazhin e tij të fundit të dërguar, Twiss tha se po bënte vodka me një 'burrë të rastësishëm shqiptar'.

“Ky ishte Cameron për mrekulli, atij i pëlqen të flasë dhe i pëlqen të shoqërohet me njerëz të tjerë. Ai ishte udhëtari perfekt dhe gjithmonë bënte miq kudo që shkonte. Thjesht nuk e kuptoj se si askush nuk mund të kishte parë ose dëgjuar asgjë. Ai do të kishte bërë miq në atë qytet, ai ishte një alpinist me përvojë dhe ishte i mirë me orientimin”, ka thënë Flanagan.