Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Zjarri në Sazan, gazetarja debat me Peleshin: Keni apo jo helikopterë se po na fyeni inteligjencën

Politiko 7 Qershor 2022, 22:21

Zjarri në Sazan, gazetarja debat me Peleshin: Keni apo jo helikopterë

Zjarri që përfshiu prej 4 ditësh ishullin e Sazanit ka shkaktuar debat mes gazetares Klodiana Lala dhe ministrit të Mbrojtjes, Niko Peleshi.

Lala e pyeti Peleshin në emisionin Open në Neës 24 mbi mungesës së helikopterëve për fikjen e zjarreve në Sazan, për të cilin u desh ndërhyrja e avionëve nga Greqia, ndërsa Peleshi tha se 3 nga 4 helikopterët janë në servis jashtë vendit.

Lala insistoi që të merrte një përgjigje nëse kishte apo jo Shqipëria një helikopter për shuarjen e flakëve, kjo shkaktoi irritim te ministri.

DEBATI

Lala: Po na fyeni inteligjencën, keni apo jo helikopterë? Kaq përgjigje duam.

Peleshi: S’përgjigjem nëse s’më lë të përgjigjem. Sikur se kuptoj se çfarë po më pyet. S’mund ta ketë përgjigjen nëse s’më lë të përgjigjem. Ne kemi 4 helikopterë që nuk janë helikopter për hedhje uji nga arji, por janë helikopter ushtarakë për të hedhur ujë sa për të vendosur kova të tilla. Janë helikopter që nuk përdoren për këto emergjenca. Por jo për emergjencat, pikat e zjarreve. Ka një të vërtetë të madhe dhe të trishtueshëm se 3 nga 4 helikopterët tanë janë në kontrata mirëmbajtjesh që zgjaten dhe zgjaten se në Shqipëri ne nuk kemi mundësi dot, operatorë që bëjnë servisin e këtyre helikopterëve. Flota jonë ajrore ka disa dhejtra helikopter. Jemi të detyruar që t’i kontraktojmë ata jashtë.

Lala: Për sa kohë janë në servise?

Peleshi: Jam akoma te presja, skam vënë pikën. Helikopterët janë 3 nga ata janë në servis, në mirëmbajtje. nëse ndonjë thotë se është herezi që janë në servis, nuk shoh çudi. Çuarja e tyre në Itali apo Poloni, kthimi i tyre mbrapsht, apo në momentet e kontrolleve periodike, këto janë probleme që i ka çdo vend Por çfarë kemi bërë ne për të marrë masa. Të gjitha vendet edhe ato më të zhvilluara se ne, që me buxhetin e mbrojtjes nuk i mbulon dot nevojat e veta. Kemi parë listën e avionëve të kontraktuar me qira nga vende të ndryshme. Mekanizmi i vendeve për të përballuar nevojat, është mekanizmi europian i mbrojtjes civile. Jemi në rrugë të mbarë. Pa qenë anëtarë jemi përfitues…

Lala: Komisionerët nuk shërbejnë për të fikur zjarret.
Peleshi:Ata fikin zjarret se shtrojnë çështjet. është një përqindje e vogël e Sazanit që është djegur, nuk është djegur gjithë Shqipëria. Ju thoni se ministri duhej të ndërpriste takimin jashtë.. të lutem tani. Nuk është çështje e një helikopteri . Një helikopter që do të ngrihej, s’do të bënte punë. Ai që u ngrit sot ishte avion Canadair CL 415, 50 mln euro. se kemi mundësinë që të bëjmë një të tillë.