Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Zyrat s'janë në nivelin e duhur", Artan Lame shpall aplikimet për drejtues të Kadastrës dhe kritikon krerët aktualë

Politiko 22 Qershor 2021, 11:01

"Zyrat s'janë në nivelin e duhur", Artan Lame shpall

Kreu i Kadastrës Artan Lame ka shpallur aplikime për drejtues të rinj të zyrave të Kadastrave.

Në një deklaratë për mediat, Lame pranoi publikisht se zyrat e Kadastrës nuk janë në nivelin e duhur dhe për këtë ia u hodhi fajin drejtuesve rajonal të këtij institucioni, pasi sipas tij, ka mungesë profesionalizmi dhe vullneti.

Ai përmend se kush mund të aplikojë për drejtues Kadastre, duke përfshirë nga ata që kanë mbaruar Inxhinieri, Juridik, Ekonomik deri te kandidatët për deputet që nuk fituan më 25 prill.

Ai iu përgjigj dhe akuzave të opozitë për legalizimet para zgjedhjeve, por sipas tij, zgjidhja e çështjes së pronës është medalje merite për PS-në dhe jo njollë për ta.

“E pranoj publikisht se në zyrat tona në shumë raste nuk janë në lartësinë e duhur, veçanërisht në aspektin e shërbimeve ndaj qytetarëve, ka zvarritje të ankesave të tyre, ka mungesë profesionalizmi në zbatimin e ankesave, ka trajtim të qytetarëve si bezdisje, ka mungesë vullneti për t’u përfshirë në problematikat e vështira, ka specialistë që nuk duan dhe nuk duan ta kuptojnë se shmangia e qytetarit sot nuk është zgjidhje se nesër ai qytetar do të paraqitet prap te zyra e Kadastrës derisa të gjej zgjidhje. Ka drejtues që nuk duan të kuptojnë që vendosja e tyre në ato poste nuk është bërë se kanë çliruar Shqipërinë, por se iu është besuar se do të dijnë të drejtojnë dhe të organizojnë punën në drejtoritë ku ata drejtojnë.

Në këto kushte dëshiroj të shpall sot hapjen e thirrjes për drejtues të rinj në një pjesë të madhe të zyrave rajonale të Kadastrës. Jam i bindur se të gjithë llafollogët e facebook-ut do të ulen dhe dekurajojnë këdo që do të përfshihet në këtë thirrje. Sa herë kam hapur aplikimet dhe janë marrë drejtues të rinj, aq herë janë hapur llafet;është e kotë, mos e shkoni, janë paracaktuar e kështu me radhë. Mos u tutni. Ti djalë apo vajzë që po më dëgjon tani, që ke mbaruar universitetin për Inxhinieri, për Juridik, për Ekonomik, t’i specialisti që ke vite që punon në administratë dhe mendon se të ka ardhur koha që të avancosh në karrierë, t’i kandidati për deputet që e dije që nuk do fitoje për shkak të numrit në listë por që je i bindur në kapacitetin tënd, ti ekspert i fushës, etj. Mos u tutni! Ejani dhe aplikoni.

Pas kësaj thirrje do vijojë dhe një thirrje e dytë për specialistë të niveleve të tjera, shefa sektorësh e kështu me radhë. Kaadastrës shqiptare tashmë i janë ngarkuar disa funksione që dikur i kanë patur institucionet e tjera, por këto funksione të reja do të kenë nevojë për shumë specialistë të tjerë.

Si shërbëtor i vjetër i shteti iu them se nuk bëhen legalizimet me ushtarë partie, nuk i shërbehen 1 milionë e ca shqiptarëve në vit me qoka partie, por me punë dhe specialistë, prandaj nëse rezultati çon ujë në premtimin e PS-së për zgjidhjen e çështjes së pronës dhe programit të qeverisë socialiste kjo nuk është njollë për neve, por një medalje e merituar.

Përsa iu takon aplikuesve iu them ja sheshim ja mejdani.” tha Lame në fjalën e tij.