Flash News

Gjendet i pajetë 71-vjeçari nga Kamenica, ishte shpallur i humbur prej tre ditësh

Aksident tragjik në Autostradën “Ibrahim Rugova”, humb jetën një grua nga Fushë-Kruja

Drejtësia amniston Xhaçkën, Apeli i Posaçëm vendosë të mos hetojë ish-ministren

Berisha vlerëson raportin e OSBE: I kanë rrëzuar përtokë zgjedhjet

Gjykata e Lartë kthen për rigjykim ankimimin e Arbër Veliajt

E-TJERA

Zyrtarja e Lartë e DASH viziton Shqipërinë javën e ardhshme, zbardhet xhenda

Politiko 22 Prill 2022, 12:34

Zyrtarja e Lartë e DASH viziton Shqipërinë javën e ardhshme,

Ndihmës Sekretarja për Byronë e Çështjeve Evropiane dhe Euroaziatike Dr. Karen Donfried do të zhvillojë një tur vizitash në vendet e Ballkanit Perëndimor, nga data 25 deri në datën 29 Prill.

Donfried do të vizitojë Shqipërinë, Bosnje Hercegovinën, Malin e Zi, Kosovë, Maqedoninë e Veriut dhe Serbinë, ndërsa është zbardhur edhe axhenda e zyrtares së DASH.

Ndalesa e parë do të jetë në Kosovë më 25 Prill, ku çështjet kryesore qe do të preken janë: strehimi i afganëve, reformat për konsolidimin demokratik dhe integrimin në institucionet evropiane dhe euroatlantike dhe shqyrtimi perspektivave për përparim në dialogun e mbështetur nga SHBA, të lehtësuar nga BE-ja me Serbinë.

Më 26 Prill do të vizitojë Serbinë ku do të diskutojë për reformat për integrimin e saj evropian, përmirësimin e stabilitetit dhe prosperitetit rajonal, si dhe do të përsërisë nevojën që Serbia dhe Kosova të angazhohen në dialogun e mbështetur nga BE dhe SHBA.

Më 27 prill, në Bosnje dhe Herzegovinë (BiH), Dr. Donfried do të inkurajojë zyrtarët të rifillojnë pjesëmarrjen institucionale në të gjitha nivelet e qeverisjes për të çuar përpara funksionalitetin dhe reformat BiH të marrë statusin e kandidatit në BE.

Më 28 prill, Donfried do të takohet me udhëheqësit e qeverisë së Maqedonisë së Veriut për të sinjalizuar mbështetjen tonë të fortë për negociatat e anëtarësimit të Maqedonisë së Veriut në BE dhe për t'i falënderuar ata për ndihmën e tyre të vazhdueshme për Ukrainën.

Më 28 prill zyrtarja e DASH do të mbërrijë në Shqipëri. Vizita e saj vjen në kuadër të 100 vjetorit të marrëdhënieve diplomatike mes SHBA-së dhe Shqipërisë. Donfried do të falënderojë Shqipërinë për partneritetin tonë në Këshillin e Sigurimit të Kombeve të Bashkuara dhe për angazhimin e saj ndaj sovranitetit dhe integritetit territorial të Ukrainës përballë agresionit rus, si dhe do të nënvizojë gjithashtu mbështetjen për anëtarësimin e Shqipërisë në BE dhe integrimin ekonomik rajonal, si dhe do të theksojë nevojën për të zbatuar plotësisht reformën në drejtësi dhe për të luftuar korrupsionin.

Turi i Donfried në Ballkanin Perëndimor do të mbyllet më 29 Prill, me Malin e Zi ku do të theksojë nevojën për të përshpejtuar punën në rrugën euro-atlantike të Malit të Zi dhe pranimin në BE, forcimin e anëtarësimit në NATO dhe mbështetjen e vlerave të përbashkëta, duke përfshirë trajtimin e korrupsionit.

Të fundit