Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Edhe në SHBA ka urdhra si të Veliajt, por jo qytetarë si të Tiranës

Politiko 28 Korrik 2017, 15:04

“Lulet nuk vrasin”, kjo ka qenë parulla kryesore e protestës që banorët e qytetit të vogël, Perris, në Kaliforni, kanë zhvilluar përpara stacionit të policisë. Shkak është bërë një video e publikuar fillimisht në rrjetet sociale dhe më pas në të gjitha mediat lokale, ku një polic shihej teksa arrestonte një grua që shiste lule.

Gruaja, që quhet Joaquina, i shiste lulet përpara një gjimnazi, por mungesa e lejes për këtë aktivitet ka sjellë reagimin e policit. Fillimisht shitësja ka rezistuar, ndërsa polici shihet duke këputur lulet.

Pamjet kanë shkaktuar revoltë të komuniteti, i cili është ngritur në protestë jo vetëm duke kërkuar mosndëshkimin e Joaquina, por edhe respektimin e atyre që mundohen të sigurojnë jetesën duke qëndruar larg grabitjeve dhe shkeljeve të tjera.

Kjo video të sjellë ndërmend ndërhyrjet e policisë bashkiake të Tiranës, e cila me urdhër të kryebashkiaku Erion Veliaj ndëshkon çdo shitës ambulant në rrugët e kryeqytetit.

Ja pra që edhe në SHBA ka urdhra si këto të Erion Veliajt, por ndryshimi është se atje nuk ka qytetarë si të Tiranës, që revoltën e shprehin vetëm në ‘Facebook’.

 

Të fundit