Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Edhe turqit me struktura paralele në Kosovë? Thaçi dhe Haradinaj: Nuk u informuam për ekstradimin e ‘Gylenistëve’

Politiko 29 Mars 2018, 19:13
Edhe turqit me struktura paralele në Kosovë? Thaçi dhe

Përveç Serbisë e cila ka strukturat e saj paralele në veri të Kosovës, në këtë vend duke se veprojnë fuqishëm edhe struktura të shteteve të tjera. Presidenti Hashim Thaçi dhe kryeministri Ramush Haradinaj kanë deklaruar se nuk kanë patur asnjë informacion për ekstradimin e gjashtë shtetasve turq.

Këta shtetas ishin shpallur në kërkim nga Turqia pasi akuzohen si mbështetës të Lëvizjes Gylen dhe tentativës për grusht shteti që dështoi dy vite më parë. Prishtina kishte refuzuar deri më tani të plotësonte kërkesat e presidentit Rexhep Taip Erdogan dhe ekstradimi i sotëm sipas Thaçit dhe Haradinajt është bërë pa dijeninë e tyre.

Reagimi i presidentit Thaçi: “Kosova është shtet demokratik i ndërtuar në përputhje me standardet më të larta demokratike të cilat mbi gjithçka tjetër, respektojnë të drejtat individuale të çdo njeriu, pavarësisht përkatësisë etnike, besimit apo bindjeve politike apo ideologjike.

Ky parim, i mëshiruar në Kushtetutën dhe ligjet tona, mbetet i patjetërsueshëm nga askush dhe është detyra e institucioneve tona shtetërore që ta zbatojnë në praktikë.

Sot jemi të zhgënjyer për shkak se institucionet tona relevante, për arsye që mbetet të sqarohen deri në fund, kanë dështuar të mbrojnë këto parime që ndërlidhen me të drejtat njerëzore të shtetasve të huaj, që jetojnë dhe punojnë në vendin tonë.

Unë jam i informuar nga organet kompetente pas ngjarjes se gjashtë shtetas janë deportuar sot në Turqi me arsyetimin se nuk kanë pasur leje qëndrimi në Kosovë.

Ne tani duhet të sqarojmë arsyet që kanë çuar deri në deportimin e këtyre shtetasve turq për në Turqi.

Dua të siguroj qytetarët e Republikës së Kosovës dhe të gjithë shtetasit e huaj që jetojnë dhe punojnë në Kosovë, se Kosova do të mbrojë me çdo kusht vlerat e saj kushtetuese, të cilat mbi gjithçka tjetër, i sigurojnë çdo individi që të shpreh pa frikë identitetin, besimin, kulturën, ideologjinë, mendimin dhe fjalën e lirë. Askush nuk guxon të persekutohet, censurohet apo edhe deportohet për shkak se ka një besim apo ideologji ndryshe nga dikush tjetër.”

Reagimi i kryeministrit Haradinaj: “Sot, përmes një operacioni të ndërmarrë nga AKI në bashkëpunim me Policinë e Kosovës janë ndaluar dhe deportuar 6 qytetarë turq. Ka disa elemente që e bëjnë të paqartë këtë operacion deri te urgjenca e deportimit. Si Kryeministër i Kosovës duke mos qenë i informuar nga asnjë institucion vendor për ndalimin dhe deportimin e tyre, do të veproj në përputhje me përgjegjësitë kushtetuese dhe ligjore lidhur me këtë veprim dhe paqartësitë rreth këtij veprimi.”

Arrestimi i gjashtë personave, sipas mediave turke, është realizuar nga Agjencia e Inteligjencës së Turqisë (MTI) në bashkëpunim me shërbimet e inteligjencës së Kosovës. Më pas, vendimi i ekstradimit të tyre është marrë në kohë rekord, pa informuar Qeverinë dhe Presidencën e Kosovës. Ata janë transportuar drejt Ankarasë me një avion të vënë në dispozicion nga MTI.

Cihan Özkan, Kahraman Demirez, Hasan Hüseyin Günakan, Mustafa Erdem, Osman Karakaya dhe Yusuf Karabina ishin mësues në kolegjet turke në Kosovë, që financohen nga Lëvizja Gylen.

Ekskluzive/ Erdogan refuzon të vizitojë Tiranën, i vendos kusht Ramës “kokën” e Skënder Bruçajt

Të fundit