Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Edi Rama dhe Fatmir Xhafaj janë dy emrat që përmendi në gjyq, cila është ‘e vërteta’ që pritet të zbulojë sot Sajmir Tahiri

Politiko 21 Shtator 2019, 11:00
Edi Rama dhe Fatmir Xhafaj janë dy emrat që përmendi në

Edhe pak na ndajnë nga deklarata për mediat e ish ministrit të Brendshëm, Sajmir Tahiri, i cili pritet të dalë në orën 11.30 ku, sipas tij, ‘do të flasë për të vërtetën’. Po cila është e vërteta e ish ministrit Tahiri?

Edhe gjatë seancës gjyqësore tek Krimet e Rënda, Tahiri tha se do të fliste hapur, ku sulmoi edhe pasardhësin e tij, Fatmir Xhafaj, kur tha se “ka ministra që s’kanë mbajtur përgjegjësi për vëllezërit e tyre”.

Gjithashtu, ai përmendi edhe ‘shefin e madh’, duke ju referuar kryeministrit Edi Rama, pasi nxorri një foto me këtë të fundit dhe tha se kishte drekuar me të po atë ditë kur akuzohej se ishte takuar me Habiliajt.

Po ashtu, gjatë një interviste për TVSH-në Tahiri u shpreh se “gjykatësit që morën vendimin ndaj tij, ishin të kërcënuar”.

“Vendimi ndaj meje ka qenë i sforcuar. Ky vendim u mor nën shantazh e kërcënime. Unë nuk merrem as me shantazhe dhe as me kërcënime. Nuk jam njeri i prapaskenave, sepse po të isha i tillë nuk do isha këtu ku jam e nuk do kisha arritur aty ku kam arritur”, deklaroi Tahiri.

Për sa i përket përgjegjësisë së tij në lidhje me kanalizimin e vendit, ish ministri i Brendshëm tha se me këtë logjikë duhet të ishte në burg edhe Berisha, edhe Koço Kokëdhima apo edhe ministri aktual, për shkak se ka ende kanabis.

“Me këtë logjikë i bie që Koço Kokëdhima të ishte në burg që para tre vjetëve, i bie që Sali Berisha të ishte në burg që linte Lazaratin, i bie që ministri aktual i Brendshëm të jetë në burg se në Shqipëri ka kanabis. Unë rezervohem të flas për vendimin e Gjykatës pasi nuk e kam lexuar”, tha Tahiri.

Ish ministri i Brendshëm u shpall fajtor mbrëmjen e së enjtes nga Gjykata e Shkallës së Parë e Krimeve të Rënda, vetëm për shpërdorim detyre. Treshja e gjyqtarëve që drejtonte seancën vendosën t’i rrëzojnë akuzat për trafik ndërkombëtar droge dhe korrupsion.

Në përfundim dënimi me 5 vjet burg për shpërdorim detyre, ulet me 1/3 për shkak të gjykimit të shkurtuar dhe shkon në 3 vite e 4 muaj burg por konvertohet në shërbim prove për të njëjtën periudhë. Ndërsa Ambasada Amerikane në Tiranë e cilësoi shkurajues vendimin për Tahirin në raport me akuzat e ngritura.

Të fundit