Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

KRYESORE

Edi Rama i vjedh idenë deputetit të PD; çfarë është neni ‘41 bis’ që izolon kriminelët e “profilit të lartë”

Politiko 23 Tetor 2018, 23:30

Edi Rama i vjedh idenë deputetit të PD; çfarë

All - Paragraf - 1

Në prezantimin e Bardhyl Kaqorrit, drejtorit të ri të Policisë së Burgjeve në Shqipëri, kryeministri Edi Rama paralajmëroi zbatimin “e një sërë masash të reja për kufizimin e veprimtarisë së profileve të larta të krimit të organizuar brenda burgjeve.”

All - Paragraf - 3

Rama deklaroi se do të bëhet kategorizimi i burgjeve në bazë të kritereve të rrezikshmërisë për të burgosurit dhe ky plan do të zbatohet në dy institucione pilot. Kryeministri i referohej të ashtuquajturit neni ’41 bis’, i zbatuar në Itali kundër krerëve të mafias.

“Një kategorizim në funksion të izolimit të plotë të profileve të larta kriminale. Një implementim në sistemin tonë i kategorisë së njohur botërisht dhe të përdorur për herë të parë nga Italia kundër mafias, si 41 bis. Një situatë izolimi me ndërprerje maksimale të kontakteve me jashtë dhe brenda burgut dhe me një kontroll shumë specifik për çdokënd që vuan dënimin, si element i spikatur i krimit të organizuar apo grupeve me natyrë terroriste”, tha Rama.

Por këtë ide, kryeministri Edi Rama e ka vjedhur nga deputeti i Partisë Demokratike, Oerd Bylykbashi, i cili e propozoi i pari më 23 gusht të këtij viti.

Në një reagim të gjatë, Bylykbashi theksonte se “ka ardhur koha për “Nenin 41- bis” shqiptar.” Deputeti demokrat kërkonte miratimin e këtij ligji pikërisht si një reagim kundër bashkëpunimit të krimit me drejtuesit e qeverisë.

“Të jemi të qartë, Kryeministri nuk ka mbyllur sytë. Ai në fillim i shkeli syrin krimit dhe sot qeveris bashkë me të me sytë e mbyllur nga kënaqësia.‎ Pa u qëruar Edi Rama nga drejtimi i shtetit, nuk mund të ketë luftë ndaj krimit. SPAK, Reforma në Drejtësi, Reforma Zgjedhore, po deshët Reforma Hyjnore mbetet në letër sa kohë ai i shkel syrin krimit nga dritarja e Kryeministrisë, me buzëqeshjen-ngërdheshje të tij. Dhe bosët e “rrjeteve të krimit të organizuar” do vazhdojnë të lirohen sepse po afrohen zgjedhjet”, shprehej Bylykbashi.

Më tej, deputeti demokrat tregonte edhe efektin që do të kishte miratimi i këtij ligji në goditjen e kriminelëve që vijojnë aktivitetin e paligjshëm nga brenda burgut.

“Shumë duhet bërë për të luftuar rrjetet kriminale. Por duhet bërë edhe diçka që fqinjët italianë kanë kohë që e kanë bërë: Neni 41 – bis “Carcere Duro”, apo ne shqip “Burgim i Rëndë”. Duhet miratuar një regjim burgimi i ashpër për bosët e krimit ku të mos kenë kontakte me botën dhe të mos kenë mundësi të drejtojnë trafiqet dhe punët e fëlliqura kriminale nga qelia, ndërkohë që shohin televizor me ekran të madh HD, vendosin baste e japin urdhëra e porosi kriminale me telefon... Bosëve të krimit u duhen hedhur çëlsat në det, jo të lirohen e më pas t’u jepen tendera, të bëhen kryetarë bashkish, ‎deputetë apo kur nuk munden vetë, të përcaktojnë ata emrat e listës së deputetëve”, deklaronte deputeti demokrat tre muaj më parë.

Në reagimin e bërë më 23 gusht, Bylykbashi nuk parashikoi saktë vetëm një gjë: reagimin e qeverisë për këtë propozim.

“Le të dalin pastaj drejtuesit e PS e të thonë se kjo është antikushtetuese, siç thoshte Rama për ligjin Antimafia kur u miratua vite më parë apo për ligjin e Dekriminalizimit tre vite më parë kur mbronte Rroshin e tij”, shprehej Bylykbashi.

Socialistët nuk dolën kundër këtij propozimi të Bylykbashit, por përkundrazi, kryetari i tyre po e promovon tashmë si një nismë të tijën për të luftuar krimin e organizuar.