Flash News

Ndihen sërish lëkundje tërmeti në Tiranë

Aksident në aksin Fier-Cekan, 3 të plagosur

Vrasja e Martin Çeços/ Apeli rrëzon dënimet për autorët, kthen për rigjykim çështjen

Aksident te "Rruga e Durrësit" në Tiranë, përplasen 3 makina

Ish-kreu i degës së PD-së në Vlorë zgjidhet në krye të Kadastrës

KRYESORE

Edi Rama thyen “bllokadën” e Evropës, kryeministri i parë që viziton Arabinë Saudite pas vrasjes së gazetarit Khashoggi

Politiko 8 Shkurt 2019, 18:45
Edi Rama thyen “bllokadën” e Evropës, kryeministri i

Kryeministri i Shqipërisë, Edi Rama, ishte së fundmi për vizitë zyrtare në Riad, në një kohë kur marrëdhëniet midis Arabisë Saudite dhe Evropës janë ftohur në mënyrë të konsiderueshme pas vrasjes së gazetarit Jamal Khashoggi. Gazetari u vra më 2 tetor 2018, brenda konsullatës saudite në Stamboll, ndërkohë që Riadi pranoi ngjarjen pas disa javësh, për shkak të presionit të madh ndërkombëtar.

Jamal Khashoggi ishte gazetar kritik i familjes mbretërore dhe vrasja e tij shkaktoi reagime të forta në Perëndim dhe Turqi, ndërkohë që shumë shtete të BE, përfshirë Gjermaninë, anuluan kontratat për shitje armësh me Arabinë Saudite.

Kryeministri Rama zhvilloi vizitë dy ditore në këtë shtet, në datat 5-6 shkurt, ku u takua me liderët kryesorë, si dhe me Mbretin Salman.

Sipas një vëzhgimi të Politiko.al, Edi Rama është kryeministri i parë nga Evropa që viziton Arabinë Saudite pas vrasjes së Jamal Khashoggi. Madje, gjatë kësaj periudhe, shtetet e BE-së nuk janë përfaqësuar në Riad as në nivel ministrash. Vetëm Mbretëria e Bashkuar, shtet me interesa të shumta në Arabinë Saudite dhe Lindjen e Mesme, ka dërguar atje Sekretarin e Jashtëm.

Liderë të tjerë që janë takuar në Riad me zyrtarët e lartë, nga tetori i 2018-ës deri në ditën kur mbërriti Rama, përfaqësojnë shtete të Afrikës dhe Azisë, si: Mbreti i Jordanisë; kryeministri i Pakistanit; kryeministri i Algjerisë; kryeministri i Tunizisë; presidenti i Niger; presidenti i Irakut; kryeministri i Libanit; presidenti i Gabonit.

Ashtu si zyrtarët e Arabisë Saudite, edhe kryeministri Edi Rama ndodhet në situatë të ngjashme sa i përket raporteve me shtetet e Bashkimit Evropian. Politiko.al ka raportuar se kryeministri shqiptar nuk ka zhvilluar prej 10 muajsh asnjë vizitë zyrtare në këto shtete (përjashto shtetet e rajonit) edhe pse Shqipëria ndodhet në fazë kritike për shkak të nevojës për hapjen e negociatave.

Të fundit