Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Eduart Selami: PD ka qenë shumë më demokratike në fillimet e saj se sa është sot

Politiko 6 Korrik 2017, 20:44

Eduart Selami: PD ka qenë shumë më demokratike në fillimet e

Kandidati për kryetar të Partisë Demokratike, Eduard Selami i ftuar në studion e “Arena” në Ora News sqaron takimet me ish-kryeministrin Sali Berisha. Gjatë intervistës, ai thotë PD-ja ishte më demokratike në vitin 1992 se sa sot.

Hila: Kishte zt.Berisha një qëndrim ndaj kësaj situate për atë që po ndodh në PD?

Selami: Ndamë shqetësimin e përbashkët. Kjo është periudhë e vështirë për Partinë Demokratike. Diskutuam rrugët…është e vërtetë që unë kam kontakt me zt.Berisha. Ne kemi qenë bashkëpunëtor të afërt për 5 vitet e para, pastaj rrugët u ndanë. Pastaj u ribashkuam prapë. Ai ka një ndikim jo të vogël brenda PD-së jo vetëm për shkak të eksperiencës, por edhe për shkak të simpatizantëve që ka në PD.

Hila: Keni pasur ndonjë periudhë kur i keni shkëputur marrëdhëniet?

Selami: Ka pasur një periudhë sidomos kur kam shkuar në Amerikë pas 1995 dhe kur përpjekja ima më 1997 për të shmangur relativisht atë që mund të shmangej nuk pati mirëkuptimin e zt.Berisha. Pati një periudhë të gjatë të mungesës së komunikimit. Ka qenë një thyerje për më tepër për problemet. Raportet personale me të kanë qenë fort të rregullta. Ftoja e parë dhe më e madhe ishte kur unë u largova nga kryesimi i PD-së. Ka qenë pika e fundit e rezistencës ku PD iu dorëzua autoritarizmit. PD ka qenë shumë më demokratike në fillimet e saj se sa është sot. Në 1992 kur fituam zgjedhjet, ne bëmë një projekt se kush do të jetë në postin e Presidentit, kryetarit të Parlamentit. Në bazë të statutit duhet të votonim në Këshillin Kombëtar dhe nuk eci. Urdhëro tani. 20 e ca vjet më vonë ku e ke të detyruar ta kalojë Këshilli Kombëtar dhe ne e marrim vesh në tv kush janë kandidatë.

Sado bindje që të ketë që midis dy rrugëve, rrugës demokratike dhe modelit autoritar që fatkeqësisht dominon në Shqipëri, rruga e parë është superiore. Shqipëria akoma nuk është prezantuar me liderin bashkëkohor. Liderët më shumë ngjajnë si hije të zbehta të epokës që lamë pas. E di se çdo të thotë lider bashkëkohor.

Hila: Keni thënë disa herë që Basha është si modeli i Berishës…por në fakt duket më “soft”…

Selami: Në shfaqje po, në veprime është i njëjti model. Pikë! Bëhet fjalë për veprime të rëndësishme, në vendimmarrje, në institucione, në mënyrën e të bëri opozitë. Bile biles Berisha është më produktiv. Unë nuk jam dakord, por të paktën ka rezultat. Më vjen keq për ta se sa larg janë koncepteve bashkëkohore. Duhet ta kthejë Partinë Demokratike aty ku ka vlerat e saj. Nga 1992-95 pati një nga historitë më të suksesshme në Evropën Lindore. Me tërë mend Rama fitoi, por ajo çka mua më shqetëson është se PD po humb identitetin e saj. Ne jemi larguar nga vlerat tona të qendrës së djathtë. Prandaj, ne kemi në pushtet qartësisht të majtën dhe në opozitë vetëm një pjesë të Partisë Demokratike.

/Ora News.tv/