Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Efekt i frikshëm nga ndikimi rus në Ballkan”, raporti i ‘Freedom House’ për lirinë e medias, ku renditet Shqipëria

Politiko 25 Prill 2018, 08:07

Organizata ‘Freedom House’ vlerëson se Shqipëria dhe Kosova renditen në mesin e vendeve me shtyp pjesërisht të lirë.

Në raportin e kësaj organizate për vitin 2017, Shqipëria renditet me 51 pikë, ndërsa Kosova me 48 pikë.

Klasifikimi bëhet sipas një shkalle nga 0 në 100, ku zero është rezultati më pozitiv, ndërsa 100, rezultati më i keq.

Po ashtu, në thuajse në të njëjtin nivel me Shqipërinë dhe Kosovën renditen edhe Maqedonia, Bosnje e Hercegovinën e Mali i  Zi, ndërsa Serbia dhe Kroacia, radhiten në mesin e vendeve të lira.

Sipas këtij raporti, udhëheqësit politikë në vendet e Ballkanit Perëndimor kanë ushtruar presion më të madh mbi mediat e pavarura, të inkurajuar nga angazhimi flagrant i BE-së për të zbatuar standardet demokratike midis vendeve anëtare aspiruese.

Në Maqedoni, partia qeverisëse ushtroi kontroll të konsiderueshëm mbi ciklin e lajmeve nëpërmjet transmetuesit publik dhe atyre private dhe gazetarët rrezikonin të sulmoheshin duke mbuluar protesta antiqeveritare, duke përfshirë edhe policinë.

Në raport theksohet edhe rasti kur kryeministri i Kosovës kërcënoi në telefon një gazetar, pasi kishte publikuar një artikull kundër qeverisë.

“Një efekt i frikshëm midis gazetarëve është krijuar edhe nga ndikimi rus, ku në media promovohen temat historike dhe kulturore sllave, si dhe teoritë konspirative rreth kërcënimeve të paraqitura nga NATO”, theksohet në raport.

Sipas organizatës që ka analizuar të dhënat nga 195 vende, në vitin 2017, 88 vende radhiten në mesin e vendeve të lira, 59 janë me liri të pjesshme dhe 49 radhiten në mesin e vendeve jo të lira.

Shtatëdhjetë e një vende pësuan rënie në të drejtat politike dhe në liritë civile, me vetëm 35 që shënuan përparim. Kjo shënoi vitin e 12-të radhazi të rënies së lirisë globale.

Në krahasim me raportin e vitit të kaluar, Shqipëria vazhdon të jetë në të njëjtin nivel, pra me 51 pikë, kurse Kosova radhitej në vendin e 96-të me 49 pikë. /Politiko.al/

 

Të fundit