Flash News

KRYESORE

Ekip special nga Zvicra, ekspertët testojnë stabilitetin e banesave në Durrës e Krujë

Ekip special nga Zvicra, ekspertët testojnë stabilitetin e banesave

Ekspertët zviceranë kanë kontrolluar disa nga ndërtesat e prekura nga tërmeti në qytetin e Durrësit ku do të japin edhe vlerësimin nëse janë apo jo të banueshme.

Gjithashtu, në Krujë ekipi ka testuar stabilitetin e disa ndërtesave që kanë qëndruar për të përcaktuar nëse janë të sigurta për jetën e qytetarëve.

Ekipi përfshin ekspertë në dy fusha: inxhinierë që vlerësojnë gjendjen e ndërtesave dhe ekspertë që vlerësojnë nevojat dhe planifikojnë veprimet në përgjigje të tyre.

“Programi ynë i bashkëpunimit në Shqipëri duhej patjetër të përfshinte një përgjigje ndaj tërmetit tragjik që goditi vendin. Duke parë seriozitetin e gjendjes, qeveria zvicerane zgjeroi përpjekjet duke sjellë misionin e parë me ekspertë, të cilët do të vlerësojnë nevojat, do të japin asistencë të menjëhershme dhe do të propozojnë masa afatgjata pas tërmetit”, tha ambasadori zviceran në Shqipëri, Adrian Maître.

Të fundit