Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ekskluzive/ Qeveria mori 1.15 mld për dëmet, por ka një skemë selektive të disbursimit. Ja kush përjashtohet

Politiko 17 Shkurt 2020, 18:23

Ekskluzive/ Qeveria mori 1.15 mld për dëmet, por ka një

Politiko.al ka mësuar nga burime të sigurta se qeveria shqiptare ka përdorur një 'kurth' për donatorët e huaj, me synim mbledhjen e shumës së përllogaritur prej ekspertëve të saj, e rrumbullakosur në 1 milard euro. Për t'ia arritur kësaj qeveria e ka fryrë 'inventarin' e dëmeve, duke futur aty çdo të dhënë të mundshme që do të rriste kostot, por me një skemë disbursimi të dëmeve që shkon kundër interesit të qytetarëve shqiptarë.

Burimi konfidencial, zyrtar i lartë në një prej institucioneve të huaja në Tiranë, i tha Politiko se metodologjia e përdorur nga qeveria për inventarizimin e banesave dhe disbursimin financiar për dëmet ka shkaktuar habi në disa prej selive që përfaqësojnë donatarë të huaj të mundshëm në Shqipëri, përfshirë zyrën e Bashkimit Europian.

Qeveria, thekson burimi, ndërkohë që e vlerëson dëmin e përgjithshëm në 1 miliard euro do të disburosjë apo përdorë për qëllimet e ndërtimeve të reja, rikonstruksioneve apo kostove të tjera të lidhura me tërmetin, vetëm një pjesë të shumës. Ekspertët dhe partnerët e huaj që kanë në dorë listën e dëmeve kanë vërejtur se një pjesë e mirë pronarëve të shtëpive të dëmtuara janë përjashtuar nga lista e disbursimeve.

Një shtëpi të re apo të rikonstruktuar do të përfitojnë vertëm qytetarët që e përdorin si strehë parësore banesën në fjalë, pra jetojnë në të pa ndërprerje. Të tjerët, ata që kanë një shtëpi të dytë (ose të tretë) në të njëjtin qytet apo një qytet apo fshat tjetër, ata që kanë një apartament që e japin me qera, etj., nuk do të dëmshpërblehen nga shteti për banesën e dëmtuar.

Pretendimi i përfaqësuesve të qeverisë, sipas një burimi të dytë, në tryezat parapërgatitore me të huajt para Konferëncës së Donatorëve, është se qeveria ka detyrimin apo shqetësimin që të mos krijohen të pastrehë të rinj. Të tjerët, ka vazhduar argumenti, ose janë të siguruar ose duhet të siguroheshin në kompani private sigurimesh.

Pyetja që u është bërë nga përfaqësuesit e organizmave ndërkombëtare është se, me heqjen nga lista të një pjesë të të dëmtuarve duhet të ulet edhe shuma e përllogaritur e dëmeve të tërmetit dhe bashkë me të edhe pritshmëritë nga donatorët.

Pyetje që me sa duket ka mbërritur në Konferencën e Donatorëve që u mbajt sot në Bruksel po të gjykosh nga shumat e akorduara nga vendet e BE.