Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Eksperti i shëndetësisë flet me shifra: Prej kohësh, është fshehur një anë e frikshme e menaxhimit të Covid-19 në Shqipëri

Politiko 6 Tetor 2020, 20:25
Eksperti i shëndetësisë flet me shifra: Prej kohësh,

Eksperti i shëndetësisë, Erion Dasho e ka cilësuar skandaloze transparencën e ministrisë së Shëndetësisë dhe komitetit teknik të ekspertëve lidhur me menaxhimin e situatës covid-19 në Shqipëri.

Në një status në rrjetet sociale, Dasho vë theksin edhe te fakti se është mbajtur i fshehtë një element i menaxhimit të sëmundjes, vdekshmëria në repartet e reanimacionit.

“Përgjatë gjithë epidemisë, transparenca e ministrisë dhe komitetit lidhur me menaxhimin e situatës ka qenë në nivele skandaloze. Komunikimi i hapur dhe i ndershëm me publikun i ka lënë vendin shpesh propagandës së paturpshme.

Për sa i takon trajtimit, çdo ditë raportohen dhjetëra “të shëruar” prej COVID, duke harruar se këta persona shërohen sepse e tillë është ecuria natyrore e sëmundjes, ku 80% deri 85% e pacientëve shërohen pa patur nevojë për asnjë mjekim përveç çajit dhe paracetamolit.

Ndërkohë është fshehur prej kohësh një anë e frikshme e menaxhimit të sëmundjes në Shqipëri, ajo e vdekshmërisë në repartet e reanimacionit. Le të shohim shifrat:

Çdo ditë ministria njofton atë që quhet censusi i shtratit, pra numri i personave të shtruar në spital, në reanimacion dhe të intubuar. Në se shohim censusin e reparteve të reanimacionit, nga data 1 korrik deri më sot në Shqipëri janë raportuar 1,607 ditë qëndrimi në repartet e reanimacionit të dy spitaleve COVID 1 dhe 2. Përgjatë të njëjtës periudhë janë raportuar 335 humbje jete.

Ministria nuk raporton ditë-qëndrimi mesatar në repartet e reanimacionit, prandaj këtë parametër mund ta konsiderojmë të ndryshueshëm:

  1. Ditë-qëndrim mesatar 2 ditor: vdekshmëri 41.7%!

  2. Ditë-qëndrim mesatar 3 ditor: vdekshmëri 62.5%!

  3. Ditë-qëndrim mesatar 4 ditor: vdekshmëri 83.4%!

  4. Ditë-qëndrim mesatar 4.8 ditor: vdekshmëri 100%!!!

Në pjesën më të madhe të vendeve të zhvilluara, ditë-qëndrimi mesatar në repartet e reanimacionit është mbi 5 ditë. Në se kjo do të ishte e vërtetë edhe në Shqipëria, atëherë vdekshmëria në repartet tona të reanimacionit do t'i afrohej 100%-it.

Këtu po flasim për persona që shtrohen në reanimacion dhe jo për persona të intubuar. Për krahasim, edhe për personat e intubuar, vdekshmëria në vendet e zhvilluara tashmë është nën 50%.

Këto shifra meritojnë vëmendje dhe analizë profesionale imediate!

Ministria dhe komiteti nuk mund të fshihen më pas “të shëruarve” dhe “heronjve”, por duhet të japin llogari sa përqind e shqiptarëve të shtruar me COVID në reportet e reanimacionit vdesin dhe se si qëndron kjo shifër në raport me spitalet e vendeve të tjera!

Kjo është transparenca minimale që ministria dhe komiteti i detyrohen shqiptarëve, sidomos atyre që kanë humbur familjarët, miqtë dhe të afërmit!

Të fundit