Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ekstradimi i Ballist Morinës/FSHF: I bëjmë thirrje autoriteteve ta ndalojnë këtë akt

Politiko 29 Korrik 2017, 08:01

Ekstradimi i Ballist Morinës/FSHF: I bëjmë thirrje autoriteteve

Siç u raportua të premten nga të gjitha mediat, gjykata e Shkallës së Parë të Dubrovnikut në Kroaci ka vendosur të ekstradojë në Serbi, Ismail “Ballist” Morinën, i njohur për autorësinë e ngritjes së dronit me flamurin “Autochtonus” në stadiumin e Beogradit më nëntor të vitit 2015. Së fundmi në lidhje me këtë çështje ka reaguar edhe Federata Shqiptare e Futbollit me anë të një reagimin në faqen e saj zyrtare në “facebook”. FSHF bën thirrje të hapur autoriteteve përkatëse dhe institucioneve që të ndërhyjnë brenda kornizës ligjore për të ndaluar ekstradimin e Ismail Morinës në Serbi. Ndërkaq, Federata ka nisur menjëherë kontaktet edhe me autoritetet shqiptare për të parë dhe operuar çdo mundësi që ekziston deri në zgjidhjen përfundimtare të problemit, në mosekstradimin e tij drejt Serbisë.

REAGIMI I FSHF-së:

FSHF e angazhuar për zgjidhjen e çështjes Morina!

FSHF reagon publikisht dhe i bën thirrje të hapur autoriteteve përkatëse dhe institucioneve që të ndërhyjnë brenda kornizës ligjore për të ndaluar ekstradimin e Ismail Morinës në Serbi. Menjëherë pas publikimit në media të lajmit për vendimmarrjen e Gjykatës së Dubrovnikut në Kroaci për Ismail Morinën, i ndaluar ditë më parë, FSHF ka nisur menjëherë edhe interesimin e saj të drejtpërdrejtë për ti dhënë një zgjidhje sa më të shpejtë këtij problemi shumë të ndjeshëm për tifozët dhe shqiptarët kudo qe ndodhen.

FSHF është plotësisht e angazhuar t’i shkojë deri në fund një cështjeje të tillë, duke shfrytëzuar të gjitha rrugët dhe hapësirat e saj institucionale dhe diplomatike për të riparë edhe një herë këtë rast. FSHF është duke u marrë intensivisht me këtë problem, duke siguruar vetë Ismail Morinën, familjen, por edhe të gjithë tifozët shqiptarë që do të shfrytëzojë të gjitha mundësitë që i jepen në mënyrë që një dicka e tillë të mos realizohet dhe ku hapësira ligjore ankimuese në Apel të mundësojë edhe abrogimin e vendimit të Shkallës së Parë. Ndërkaq, Federata ka nisur menjëherë kontaktet edhe me autoritetet shqiptare për të parë dhe operuar çdo mundësi që ekziston deri në zgjidhjen përfundimtare të problemit, në mosekstradimin e tij drejt Serbisë.

Ndërkohë edhe ministri i Brendshëm, Dritan Demiraj ka kontaktuar me autoritetet në Kroaci, pas vendimit të Gjykatës së Shkallës së Parë të Dubrovnikut

Burime nga Ministria e Brendshme bëjnë me dije për “BalkanWeb” se ministri Demiraj është interesuar pranë shtetit kroat për një gjykim të drejtë të Ismail Morines. Gjithashtu mësohet se ministri Demiraj është në kontakt prej një muaji me autoritetet kroate, kohë kur Morina u ndalua nga policia e Kroacisë, pasi ndaj tij ka një urdhër ekstradimi nga Serbia. Ndërsa familjarët e Ballist Morinës pretendojnë se shteti s’ka bërë asnjë përpjekje në lidhje me këtë çështje.