Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Elisa 'nxehet keq' me Bashën pse takoi holandezët. Harron se Kryetari i PD i liberalizoi vizat, ndërsa shefi i saj po i kthen

Politiko 25 Shtator 2017, 10:38

Elisa 'nxehet keq' me Bashën pse takoi holandezët. Harron se

Elisa Spiropali, deputete e re e PS, është inatosur me një takim që kryetari i Partisë Demokratike, Lulzim Basha pati me një grup ekspertësh të Fondacionit 'Eduardo Frei' dhe përfaqësues të grupit kristian-demokrat në parlamentin e Holandës. Pasi poston një lajm të medias për takimin e Bashës, Spiropali pyet se 'si mund të flitet kështu për vendin tënd te të huajt?; si mund të shpifet?, dhe deri te pyetja finale 'a ke atdhe ti zoti Basha?!'

Eshtë një rast i rrallë dhe enciklopedik që, një deputete zemërohet me kryetarin e opozitës kur ai e vë theksin te gjërat që shkojnë keq në Shqipëri, dhe për të cilat është përgjegjës, jo opozita, por pushteti.

Ndoshta Elisa harron se nuk është deputete e shoqërisë civile, por e PS e cila ka të gjithë pushtetin. Ajo nuk mund të bëjë asgjë për të ndalur Bashën, por mund të bëj diçka për të ndalur mbjelljen dhe trafikun e drogës.

Të paktën, ajo në ndryshim nga kolegia ambasadore Sakiqi nuk po fajëson holandezët, por Bashën. Dhe ky është progres.

Progresi me të vërtetë i madh do të jetë kur faji të shihet te vetja, dmth te pushteti.

Stausi i plotë:

ZOTI BASHA A E KE TI NJE ATDHE APO KE VEÇ NJE KARRIGE PARTIE PER TE MBROJTUR MOR BURRE I DHEUT?!

Më tërhoqi vëmendjen ky lajm për të cilin kam një koment, po më parë lexojeni pak ju lutem:

"Kryetari i Partisë Demokratike, Lulzim Basha, priti në një takim një ekip të Fondacionit Eduardo Frei të partisë Kristian Demokrate Holandeze CDA, parti kjo e cila është nismëtarja për rikthimin e regjimit të vizave për shqiptarët, në debatin e nisur pak muaj më parë. Siç njofton zyra e shtypit e Partisë Demokratike, kreu demokrat Basha shprehu shqetësimin e rritjes dhe fuqizimit të krimit të organizuar dhe trafikut të drogës në Shqipëri dhe nga Shqipëria drejt vendeve të BE, përfshirë Holandën. “Në këto katër vite, siç konfirmojnë raportet e EUROPOL dhe Departamentit Amerikan të Shtetit, Shqipëria është kthyer në një bazë të veprimtarisë së grupeve të organizuara kriminale”, thuhet në njoftimin e PD-së. Kryetari i opozitës, edhe njëherë vuri në dukje se bashkëpunimi i drejtpërdrejtë dhe i hapur i politikës me krimin ka goditur rëndë standardet e sigurisë dhe demokracisë, e në veçanti votën e lirë, siç ndodhi në zgjedhjet e 25 qershorit përmes presionit dhe blerjes së votës me paratë e drogës. “Kapja e shtetit nga krimi i organizuar dhe bashkëqeverisja me krimin kanë kontribuar në precipitimin e një krize të rëndë në vend, çka ka rritur në rekorde historike fluksin e shqiptarëve që braktisin vendin dhe kërkojnë azil në vendet e BE-së e në Holandë, për shkak se kanë humbur besimin në të ardhmen e vendit nën qeverisjen e sotme”, mësohet të jetë shprehur Basha. Por, edhe pse një takim me zyrtarët e CDA, parti që jo vetëm kërkon rikthimin e regjimit të vizave për shqiptarët, por njihet edhe për qëndrimin e saj jo miqësor me vendin tonë, në njoftimin për shtyp të shpërndarë nga selia blu, nuk përmendet që Lulzim Basha të ketë kërkuar informacion mbi nismën e tyre për rikthimin e vizave për shqiptarët, apo t’i ketë kundërshtuar ata".

Po si ka mundësi të flitet kështu me të huajt për atdheun tënd?! Po si mund të shpifet në këtë farë feje për vendin tënd, duke ushqyer forca e individë të huaj që i kanë emigrantët si mish për topin e politikës së tyre?! Po si është e mundur të derdhet mbi fytyrën e popullit tënd tërë ky zift pezmi për disfatën e radhës në zgjedhje?!