Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Emergjenca nga zjarret, brenda 24 orëve shënohen 5 raste, në Pukë digjet banesa ku jetonin 3 familje

Politiko 9 Korrik 2017, 08:40

Emergjenca nga zjarret, brenda 24 orëve shënohen 5 raste, në

Një tjetër banesë është përfshirë nga flakët në Pukë. Ngjarja në fjalë është regjistruar gjatë natës në fshatin Gojan të Madh. Tre familje kanë rrezikuar jetën nga flakët pasi jetonin nën një çati, të cilët dyshohet se u shkaktuan nga një rrjedhje gazi. Po ashtu bëhet e ditur se banesa është në pronësi të Gjin Prengës. Por falë ndërhyrjes së shpejt nga forcat e zjarrfikëses u bë e mundur lokalizimi i flakëve dhe minimizimi i dëmeve. Ndërkohë, policia po heton lidhur me zbardhjen e plotë të shkaqeve të zjarrit. Ky është rasti i katërt i zjarreve në banesa në këtë fshat.

Sipas Drejtoria e Përgjithshme e Emergjencave Civile temperaturat e larta vijojnë të favorizojnë vatrat e zjarrit. Kështu, përgjatë 24 orëve të fundit ka patur 5 vatra zjarri, me dëme materiale. DPEC përsërit thirrjen ndaj të gjithë qytetarëve që në rast se konstatojnë zjarre, të njoftojnë menjëherë në numrat e emergjencave 112, 129, apo në Qendrën Kombëtare Operacionale të Emergjencave Civile në numrin 06941 10 198.

Qarku Shkodër

Në fshatin Dardhë, Njësia Administrative Blerim, bashkia Fushë-Arrëz, ka rënë zjarr në një sipërfaqe me shkurre dhe pisha. Shërbimi vendor i MZSH Pukë, ka dërguar në vendngjarje 1 automjet zjarrfikës me personel dhe kanë punuar me mjete rrethanore për të shuar zjarrin. Si pasojë e zjarrit u përshkruan nga flakët një sipërfaqe rreth 2 dynym me shkurre dhe disa pisha.

Qarku Elbasan

Në fshatin Ermenj, Njësia Administrative Skënderbegas, bashkia Gramsh, ka rënë zjarr në një sipërfaqe pyjore me pisha. Shërbimi vendor i MZSH Gramsh, ka dërguar në vendngjarje 1 automjet zjarrfikës me personel dhe kanë punuar me mjete rrethanore për shuarjen e zjarrit. Per ndihme shkuan 30 forcave ushtarake dhe pas një pune të gjatë kanë bërë të mundur shuarjen e zjarrit. Si pasojë e zjarrit u dogj një sipërfaqe rreth 7 ha shkurre dhe 7 dynym pisha.

Qarku Vlorë

Në fshatin Nartë, Njësia Administrative Qendër, bashkia Vlorë, ka rënë zjarr në një sipërfaqe me shkurre. Shërbimi vendor i MZSH Vlorë, ka dërguar në vendngjarje 1 automjet zjarrfikës me personel dhe ka punuar për shuarjen e zjarrit. Si pasojë e zjarrit u dogj një sipërfaqe rreth 0.2 ha me shkurre dhe pisha. Nga zjarri nuk pati njerëz të lënduar.

Qarku Durrës

Në fshatin Arrameras, Njësia Administrative Fushë-Krjuë, bashkia Krujë, ka rënë zjarr në një sipërfaqe me shkurre pranë një biznesi pularie. Shërbimi vendor i MZSH Krujë, ka dërguar në vendngjarje 1 automjet zjarrfikës me personel dhe ka punuar për shuarjen e zjarrit. Si pasojë e zjarrit u dogj një sipërfaqe rreth 3 ha me shkurre.

Qarku Dibër

Në fshatin Fushë-Bulqizë, Njësia Administrative Bulqizë, bashkia Bulqizë, ka rënë zjarr në një sipërfaqe me shkurre dhe pisha të vogla. Shërbimi vendor i MZSH Bulqizë, ka dërguar në vendngjarje 1 automjet zjarrfikës me personel dhe ka punuar për shuarjen e zjarrit. Si pasojë e zjarrit u dogj një sipërfaqe rreth 0.3 ha me shkurre dhe pisha të vogla.