Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Emrat e të arrestuarve për kokainën në Durrës. Policia jep detaje: Vlera 180 mln euro, kishin vendosur letra me kode

Politiko 28 Shkurt 2018, 11:20
Emrat e të arrestuarve për kokainën në Durrës. Policia

Drejtori i Përgjithshëm i Policisë së Shtetit, Ardi Veliu ka dhënë disa detaje lidhur me sekuestrimin e 613 kilogram kokainë në portin e Durrësit. Në një konferencë për mediat, Veliu ka bërë të ditur emrat e personave të arrestuar, shtetasit Donaldo Lushaj dhe Armando Pezaku, si dhe shpalljen në kërkim të Arbër Çekajt, pronari i kamionit ku u gjet droga.

Veliu ka theksuar se vlera e sasisë së drogës së sekuestruar arrin në 180 milionë euro dhe se ajo ishte nisur nga Kolumbia, kishte kaluar tranzit në Itali, më pas në Maltë, për të përfunduar në portin e Durrësit.

Një tjetër detaj që u bë i ditur në konferencë ishte se kokaina ishte ndarë në disa pako, të cilave u ishin vendosur letra me kode nga trafikantët.

I pranishëm në konferencë ishte edhe drejtuesi i Prokurorisë së Krimeve të Rënda, Besim Hajdarmataj, i cili theksoi se për momentin nuk mund të bëhen publike detaje të reja për shkak të hetimeve.

613 kg kokainë nga Kolumbia në Shqipëri, Krimet e Rënda: Politikanë të fuqishëm të përfshirë në rrjetin e krimit 

Deklarata

Kapet sasi rekord kokaine në Portin e Durrësit, me vlerë tregu rreth 180 milion euro.

Drejtori i Përgjithshëm i Policisë së Shtetit Ardi Veliu në konferencë për shtyp së bashku me përfaqësues të Prokurorisë së Krimeve të Rënda, Hetimit Doganor dhe përfaqësues të Policisë së Shtetit.

Policia e Shtetit në bashkëpunim me Prokurorinë e Krimeve të Rënda dhe Drejtorinë e Hetimit Doganor, mbi bazën e informacioneve të siguruara më herët dhe analizës së riskut, pas një pune të mirë organizuar dhe të koordinuar, ka arritur të finalizojë me sukses operacionin e koduar “Last Snow”.

Si rezultat i këtij operacioni u bë i mundur kapja dhe sekuestrimi i një sasie rekord prej 613 kilogramë e 350 gramë lënde narkotike e dyshuar kokainë, me vlerë tregu mbi 180 milion euro.

Hetimet kanë dokumentuar se lënda narkotike ishte nisur me kontenier nga Kolumbia duke kaluar tranzit përmes Italisë, në Maltë e më pas me anije ka mbërritur në Portin e Durrësit në Shqipëri, në datën 19 shkurt 2018.

Kokaina ishte e fshehur në kontenier me dysheme të dyfishtë, të ngarkuar me banane.

Operacioni ka nisur gjatë mbrëmjes së datës 27 shkurt 2018, në Portin Detar të Durrësit, në momentin që ngarkesa e ligjshme me banane, u mor në dorëzim nga firma porositëse “Arbri Garden” shpk, me pronar shtetasin A.Ç.

Sasia e lëndës narkotike ishte e paketuar në 528 pako, të mbështjella me letër natriban me kode të vendosura nga trafikantët.

Kontenieri i mbërritur në Portin e Durrësit, u mbajt nën vëzhgim të pandërprerë deri sa mbërriti në magazinat e firmës, nga strukturat e Policisë së Shtetit.

Shërbimet e Policisë kanë rrethuar në perimetrin e jashtëm objektin e më pas kanë ndërhyrë në brendësi të magazinës. Pas kontrollit të imtësishëm të kontenierit, kanë bërë të mundur gjetjen dhe sekuestrimin e lëndës narkotike.

Nga tërësia e veprimeve të kryera, rezultuan të përfshirë në këtë aktivitet kriminal shtetasit dhe u arrestuan në flagrancë:

- Donaldo Lushaj, 25 vjeç, lindur në Tropojë dhe banues në Tiranë;

- Armando Pezaku, 25 vjeç, lindur dhe banues në Durrës.

Gjithashtu u shpall në kërkim shtetasi A.Ç., pronari i firmës ku u sekuestrua lënda narkotike.

Autoritetet shqiptare po vijojnë hetimet ngushtësisht me partnerët e huaj për të zbuluar gjithë lidhjet dhe personat e përfshirë në këtë aktivitet kriminal.

Ndërkohë po vijon puna për evidentimin e pasurive të të arrestuarve dhe të përfshirëve në këtë trafik narkotikësh.

Policia e Shtetit është e vendosur të godasë me Forcën e Ligjit çdo paligjshmëri dhe aktivitet kriminal, për të ndërtuar një Shqipëri më të qetë e të sigurtë.

Të fundit