Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Erion Veliaj fsheh vizitën në Zvicër, shfaqet duke mbjellë pemë me gjimnazistët

Politiko 16 Mars 2018, 11:04

Ndonëse është kritikuar shpesh për propagandën e shfrenuar, Erion Veliaj vazhdon të mos heqë dorë nga vesi i tij i vjetër.

Politiko.al ka mësuar se prej dy ditësh Veliaj ndodhet në Lozanë të Zvicrës, ku po zhvillon një vizitë me drejtues të pushtetit vendor.  Ky fakt është konfirmuar edhe nga drejtori i kulturës dhe diplomacisë në Bashkinë e Lozanës, Gregoire Junod.

Duke iu referuar vizitës së Veliajt, të enjten Junod shkruajti në rrjetin e tij social: “Ne kishim mundësi për të diskutuar rreth bashkëpunimeve në fushën e kulturës dhe sportit midis dy qyteteve tona, duke pasur parasysh se shqiptarët përfaqësojnë një nga komunitetet më të rëndësishme në Zvicër”.

Nga ana tjetër, në rrjetin social Facebook, Veliaj shfaqet duke mbjellë pemë me gjimnazistët e Tiranës, ku shkruan bashkia është afër rekordit të mbjelljes së 100 mijë pemëve, shkruan politiko.al.

“Super shkollat e Tiranës! Kemi dhe 1 javë kohë, për të kapur objektivin e 100 mijë pemëve në këtë fushatë unike gjelbërimi. Forca dhe pak ditë dhe do shkruajmë historinë e re të qytetit tonë”, ka deklaruar Veliaj ditën e enjte.

Të fundit