Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Është çështje mes Tahirit dhe drejtësisë”; A do ndjekë Balla rrugën e kolegut për të ‘shpëtuar’ edhe një herë PS-në?

Politiko 27 Shtator 2018, 12:12
“Është çështje mes Tahirit dhe

“Kolegu Tahiri nuk është më as anëtar i grupit dhe as funksionar në PS por deputet i lirë, që përballë drejtësisë së mos ketë asnjë mburojë politike.” Kjo është mënyra se si Taulant Balla njoftoi më 25 tetor të 2017-ës, në foltoren e Kuvendit, përjashtimin e Saimir Tahirit nga grupi i Partisë Socialiste.

Tahiri akuzohej nga Prokuroria e Krimeve të Rënda për bashkëpunim me grupin Habilaj, në trafikun ndërkombëtar të drogës. Gjithsesi, socialistët i rezistuan presionit nuk i hoqën imunitetin kolegut të tyre, por u mjaftuan me përjashtim nga partia, për të pastruar të paktën imazhin e tyre.

Në maj të 2018-ës, situata për Tahirin u komplikua dhe ish-ministri i Brendshëm u detyrua të japë dorëheqjen nga mandati i deputetit.

Ja si e komentonte Taulant Balla vendimin e kolegut të tij më 3 maj të këtij viti: “Ky është vendim tërësisht personal i Saimir Tahirit që ne e respektojmë plotësisht. Kjo është një çështje tërësisht mes Saimir Tahirit dhe drejtësisë. As e jona, dhe kurrsesi e kësaj opozite gojështhurr që në çdo rast dhe në çdo mundësi që i jepet gjen argumenta për të ndërtuar baltën e radhës përkundrejt punës së rëndësishme që ka imazhi i Shqipërisë në rrugën drejt hapjes së negociatave.”

Dy ditë më pas, Balla do të reagonte sërish nga Elbasani, duke sulmuar edhe më ashpër opozitën për këtë çështje: “E gjithë kjo zhurmë e madhe në gjithë këto gjashtë muaj se gjoja imuniteti i Z. Tahiri po pengonte hetimin e plotë të kësaj çështje. Sot Z.Tahiri nuk është më as me imunitet dhe as me mandat dhe sigurisht drejtësia do të bëjë punën e saj. Ndërkohë që të gjithë gojëprishurit e opozitës, nga maçoku Sali tek dhelpra Monikë, por edhe tek gënjeshtari Lulzim duhet të heshtin e të lënë të flasë drejtësia deri në çuarjen në fund të kësaj çështje. Kjo është një çështje personale e Z. Tahiri e cila duhet hetuar vetëm nga drejtësia, askush tjetër nuk duhet të flasë më për këtë hetim të momentit sa kohë që ajo që u tha, që paska qenë vendimi i Kuvendit i cili ka penguar hetimin e plotë të kësaj çështje, dhe kjo çështje është sqaruar prej ditës së parë sepse edhe ai ka qenë një vendim për të standardizuar një proceduarë kuvendore, tani jemi në një fazë krejtësisht të re që politika nuk do të flasë më, por do të flasi drejtësia.”

Procesi ndaj Saimir Tahirit është duke vijuar ende, pavarësisht përpjekjeve që po bëhen për ta sabotuar atë. Por Partia Socialiste ka arritur ta shmangë disi nga vetja këtë proces, duke ia lënë barrën personale vetëm Tahirit.

Personi që ndoshta e kupton më mirë Tahirin në këtë moment është vetë Taulant Balla. Deputeti i PS akuzohet se së bashku me kolegun tjetër, Rrahman Rrahja dhe kryebashkiakun e Krujës, Artur Bushi, i kanë vënë pistoletën në kokë nënkomisarit Emiljano Nuhu. Ata kishin hyrë në komisariatin e Fushë-Krujës për të liruar djalin e deputetit Rrahja, i akuzuar nga ish-e dashura për dhunë barbare.

Pyetja që shtrohet në këtë moment është, nëse Taulant Balla do ndjekë rrugën e Saimir Tahirit për ‘të shpëtuar’ të paktën edhe një herë Partinë Socialiste?

U nxorri foton në Zvicër, Zagani dhe Nuhu i përgjigjën Artan Hoxhës: Shite informatorin për 3 mijë euro dhe e vrave

Taulant Basha vs Zagani-Nuhu; gjuha e njëjtë që kreu i Grupit të PS përdor për të sulmuar zyrtarët e policisë

Denoncimi ndaj djalit të deputetit të PS, reagojnë aktivistë dhe gazetarë: Këtyre u duhen thyer hundët!

Të fundit