Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Ethet’ e zgjedhjeve lokale, Rama takim me kryebashkiakët dhe ua thotë troç: Disa nga ju s’do të garojnë më

Politiko 31 Gusht 2018, 11:56

‘Ethet’ e zgjedhjeve lokale, Rama takim me kryebashkiakët dhe

Kryeministri Edi Rama ua komunikoi troç kryetarëve të bashkisë se disa prej tyre nuk do të jenë më pjesë e zgjedhjeve lokale, të cilat priten të zhvillohen në qershor të 2019-ës.

Gjatë një takimi me ta dhe prefektët, Rama nuk kurseu kritikat për sezonin veror, sidomos kryebashkiakëve të zonave bregdetare.

Ndër të tjera, Rama foli edhe për zgjedhjet lokale dhe konfirmoi se disa prej atyre që janë aktualisht në krye të pushtetit lokal, nuk do të garojnë më nën siglën e PS.

“Bëni propozimet tuaja për sezonin e ardhshëm. Ndonëse në qershorin e ardhshëm janë zgjedhjet shumë nga ju janë në fushatë, të tjerë mund të mos jenë, kjo ska rëndëi. Përgatitja për sezonin duhet të fillojë sa më parë”, u shpreh Rama.

Ndërkohë, politiko.al solli në vëmendje se cilët do të jenë kryetarët e bashkisë që do të kërkojnë sërish një mandat tjetër dhe të tjerë që s’do të garojnë më.

Emrat e përfolur nga PS

Erion Veliaj dhe Armando Subashi janë thuajse të konfirmuar në garën për një mandat të dytë në bashkitë Tiranë e Fier. Listës së të konfirmuarve i shtohen edhe dy kryebashkiak që njihen si miq të kryeministrit, Tërmet Peçi në Tepelenë dhe Jorgo Goro në Himarë.

Në Durrës, nuk dihet ende nëse Vangjush Dako do të garojë sërish, por një gjë është e sigurtë, që nëse Dako tërhiqet kandidati i socialistëve pritet të jetë një nga njerëzit e besuar të kryebashkiakut aktual. Emri më i lakuar, nëse Dako nuk kandidon është ai i Ardian Çelës, administratori i OSHEE-së që më herët ka qenë edhe nënkryetari i Bashkisë së Durrësit.

Në Shkodër, socialistët pritet të garojnë me Senida Mesin, aktualisht zëvendëskryeministre, ndërsa në Lezhë, deputeti Pjerin Ndreu thuajse është ‘vetëshpallur’ si kandidat.

Thuajse zyrtare është moskandidimi i Qazim Sejdinit në Elbasan e Fatos Tushes në Lushnje, ndërsa në pikëpyetje është edhe kryetari i Bashkisë së Korçës, Sotiraq Filo.

Në Gjirokastër, emri më i përfolur për të qenë kandidat i socialistëve në garën për Bashkinë është ai i Flamur Golemit, aktualisht deputet i PS-së në këtë qark, ndërsa është i sigurt moskandidimi i Florjana Kokës në Sarandë.

Në Vlorë, Dritan Leli duket se i ka kaluar vështirësitë e fillimit dhe tashmë kërkon një rikonfirmim për të garuar sërish por nga ana tjetër kanë nisur të qarkullojnë edhe emra të tjerë, si kandidat ku më i mundshmi është sërish një doktor.

Në Dibër, pas ‘blerjes’ së PDIU-së socialistët do të propozojnë një emër tjetër kjo për shkak edhe se kryebashkiaku aktual, Muharrem Rama, është përplasur disa herë me përfaqësuesit çam të Dibrës. Ndërkohë në Kukës, emri i Safet Gjicit është më i përfoluri për të qenë kandidati i socialistëve në garën për Bashkinë.