Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“EUReporter” i kërkon falje Shkëlzen Berishës: Akuzat ishin të pabaza!

Politiko 17 Shkurt 2018, 21:47

“EU Reporter” i kërkon falje Shkëlzen Berishës pas publikimit të një artikulli me 14 shkurt ku hidhte akuza ndaj tij. Me anë të një tjetër shkrimi, kjo media sqaron  se është mashtruar nga burime të  pabesueshme.

Artikulli i “EU Reporter”:

 “Ne pranojmë se këto akuza ishin të pabaza. I kërkojmë ndjesë z.Berisha”

Ndërsa më tej “EU Reporter” sqaron akuzat që janë bërë për Shkëlzen Berishën:

  1. Unë kurrë nuk kam udhëtuar me z. Kalaj në Pragë. Provat, për të cilat pretendoni se janë në dosjen e gjykatës, nuk ekzistojnë. As dosja e gjykatës në të cilën ju referoni, as dosja e komisionit parlamentar nuk përmban ndonjë dëshmi për një pohim të tillë. Në fakt, kjo nuk është përmendur as në argumentet publike të fryra.

  2. Kurrë nuk kam diskutuar për çështjen e privatizimit me drejtorët e kompanive të ndërmarrjeve çeke, bashkëpunëtorët e tjerë të kompanisë, apo këdo tjetër. Provat, për të cilat pretendoni të jenë në dosjen e gjykatës nuk ekzistojnë.

  3. Nuk kam pasur në pronësi një vilë. Kam blerë një apartament në vitin 2013, nëpërmjet një kredie bankare, të cilin më vonë e kam shitur në vitin 2016. Kjo ka qenë pasuria ime e vetme e paluajtshme. Kini parasysh se kjo është e ditur publikisht dhe mund të provohet me lehtësi nga deklarata e pasurisë e paraqitur çdo vit nga unë, që nga viti 2006.

  4. Në lidhje me shpërthimin në Gërdec, gjykata nuk hodhi poshtë asnjë akuzë kundër meje sepse nuk kishte asnjë. Për arsye të thjeshtë se nuk kam pasur lidhje me të. Ka pasur një gjyq të gjatë në Shqipëri rreth shpërthimit në Gërdec, që ka konsumuar të gjitha hapat e gjyqësorit, me shumë të dënuar, me qindra dëshmi dhe kurrë nuk u shfaq emri im gjatë gjithë këtij procesi ligjor, as edhe një herë.

  5. Unë e konsideroj pohimin se z. Kalaj është miku im, ose bashkëpunëtori im në ndonjë mënyrë, i rremë dhe pa prova. Ju lutem vini re gjithashtu se nëse ky artikull shërben si referencë ndaj palëve të tjera, tani ose në të ardhmen, unë do ta cilësoj autorin dhe botuesin bashkërisht përgjegjës për dëmet e shkaktuara dhe do ndërmarr veprimet e nevojshme ligjore”.

 

Të fundit