Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Europa i gëzohet fitores së Macron, liderët përshëndesin presidentin e ri francez; Euro rritet përballë dollarit

Politiko 8 Maj 2017, 09:02

Europa i gëzohet fitores së Macron, liderët

Zyrtarët evropianë ishin mes të parëve që reaguan për zgjedhjen e kandidatit të qendrës Emmanuel Macron në presidencën franceze duke e konsideruar një fitore për Evropën, më pas presidenti amerikan e përshendeti për fitoren e thellë.

– Bashkimi Evropian

“Francezët kanë zgjedhur një të ardhme evropiane”, theksoi dje në mbrëmje presidenti i Komisionit Evropian, Jean-Claude Juncker, në një mesazh urimi për Emmanuel Macron në rrjetin social Twitter.

“I lumtur që francezët zgjodhën një të ardhme evropiane”, deklaroi Juncker ndërkohë që presidenti I Këshillit Evropian, Donald Tusk përshëndeti vendimin e francezëve në mbështetje të Lirisë, Barazisë dhe Vëllazërisë.

Ndërkohë Juncker u shpreh optimist se bashkëpunimi me presidentin e ri do të jetë i frytshëm për të çuar përpara një Evropë që mbron qytetarët e saj.

“Ne mbështetemi në një Francë në zemër të Evropës për të ndryshuar së bashku BE-në”, theksoi presidenti i Parlamentit Evropian, Antonio Tajani duke përshëndetur Emmanuel Macron.

-Shqipëria

Ministri i Jashtëm, Ditmir Bushati, uroi të dielën në mbrëmje fituesin e zgjedhjeve presidenciale në Francë, Emmanuel Macron. Në mesazhin e ministrit të Jashtëm shqiptar thuhet: Shumë urime Emmanuel Macron për fitoren. Një lajm i mirë për Francën, Europën e natyrisht edhe për ne shqiptarët që aspirojmë të bëhemi pjesë e BE-së.”

– Gjermania

Kancelarja gjermane, Angela Merkel përshëndeti sot zgjedhjen e Emmanuel Macron si president i Francës duke e cilësuar si një lajm të mirë për Evropën.

“Urime! Fitorja juaj është një fitore për një Evropë të fortë dhe të bashkuar dhe për miqësinë franko-gjermane”, theksoi zëdhënësi i kancelares gjermane, Steffen Seibert

Kreu i diplomacisë gjermane, Sigmar Gabriel e ka parë suksesin e tij përballë kandidates së ekstremit të djathtë, Marinne Le Pen si shenjë që Franca ka qenë, është dhe do të mbetet në qendër dhe në zemër të Evropës.

– Britania e Madhe

“Kryeministrja britanike përshendeti Emmanuel Macron për fitoren në zgjedhjet presidenciale franceze”, deklaroi zëdhënësi i May.

“Franca është një prej aleatëve tanë më të afërt dhe ne jemi të lumtur të punojmë më presidentin ë ri”, shkruan zëdhënësi në një komunikatë.

– Greqi

“Fitorja e kandidatit të qendrës, Emmanuel Macron në zgjedhjet presidenciale franceze është një frymëzim për Francën dhe Evropën”, theksoi kryeministri grek, Alexis Cipras në një mesazh në rrjetin social Twiter.

“Jam i sigurt se do të punojmë së bashku dhe ngushtë”, shtoi Cipras.

– SHBA

Presidenti amerikan, Donald Trump përshëndeti sot Emmanuel Macron për fitoren bindëse gjatë zgjedhjeve presidenciale francize.

“Përshëndetje për Emmanuel Macron për fitoren e thellë si president i ardhshëm i Francës”, theksoi në një mesazh në rrjetin social Twitter presidenti amerikan.

“Pres me padurim të punoj me të!”, shtoi ai.

Shtëpia e Bardhë, shprehu vullnetin për të punuar me presidentin e ti dhe se do të vazhdonte bashkëpunimin e ngushtë me qeverinë franceze.

– Ukrainë

Presidenti ukrainas, Petro Porochenko përshëndeti Macron nëpërmjet një mesazhi në Twitter duke e gjykuar fitoren e tij si një shprehje e rëndësishme e besimit të francezëve për Evropën e bashkuar.

– Itali

“Rroftë Macron President. Një shpresë shfaqet në Evropë”, shkruan kryeministri Italian, Paolo Gentiloni në Twitter.

– Spanjë

“Të bashkëpunojmë në Francë dhe në Spanjë për një Evropë të qendrueshme, më me prosperitet dhe më të integruar”, shkruan kryeministri spanjoll, Mariano Rajoy.

– Brazil

“Përshëndes Emmanuel Macron për fitoren në zgjedhjet presidenciale francize”, shkruan në twiter presidenti Brazilian, Michel Temer.

– Izrael

Kryeministri, Benjamin Netanyahu përshëndeti Macron dhe theksoi se terrorizmi islamik është një prej kërcënimeve për mbarë botën. “Franca dhe Izraeli janë aleatë prej shumë kohësh dhe jam I bindur se marrëdhëniet tona do të forcohen”, theksoi Netanyahu.

Ndërkohë, Euro u rrit përballë dollarit në tregjet e këmbimit në Azi me 1,1023 nga 1,0998 dollarë, në kuadër të fitores së centristit pro-evropian, Emmanuel Macron në zgjedhjet presidenciale franceze.

Fitorja e Macron përballë kandidates së ekstremit të djathtë, Marinne Le Pen është parë si avantazh për kursin e euros sepse largon pasiguritë që ekzistonin për të ardhmen e monedhës evropiane.

Euro arriti nivelin më të lartë që prej muajit nëntor, por rritjet kanë qenë më modeste në raport me turin e parë të zgjedhjeve presidenciale, që regjistruan kryesimin e Macron.