Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

European Western Balkans: Akuzat për korrupsion, sërish protesta antiqeveritare në Serbi, Shqipëri e Mal të Zi

Politiko 18 Mars 2019, 08:16

European Western Balkans: Akuzat për korrupsion, sërish protesta

Mediat ndërkombëtare vazhdojnë t’i kushtojnë vëmendje valës së protestave që kanë përfshirë disa vende të Ballkanit, si në Serbi, Shqipëri dhe Mal të Zi.

European Western Balkans ka përmbledhur në një artikull protestat e fundjavës që sapo lamë pas kundër qeverive në pushtet, ndërsa një hapësirë i është kushtuar edhe zhvillimeve në Tiranë.

Pjesë nga artikulli:

Protestat antiqeveritare kanë vazhduar gjatë fundjavës në kryeqytetet e Serbisë, Shqipërisë dhe Malit të Zi.

Protestat në të tri vendet synojnë të përmbysin partitë në pushtet, të udhëhequra nga Presidenti Aleksandar Vuçiç, Kryeministri Edi Rama dhe Presidenti Milo Gjukanoviç. Regjimet akuzohen për korrupsion, shtypjen e demokracisë dhe liritë mediatike, si dhe situatën e pakënaqshme ekonomike.

Në Tiranë

Protestat në Shqipëri janë organizuar nga opozita, pasi deputetët e Partisë Demokratike, së bashku me disa parti të tjera të opozitës, kanë dhënë dorëheqjen nga postet e tyre parlamentare në muajin shkurt. Kreu i PD, Lulzim Basha, ka qenë në ballë të demonstratave që nga fillimi i tyre.

Më 16 mars, protestuesit në Shqipëri protestuan para zyrës së kryeministrit Rama dhe pastaj të parlamentit kombëtar. Ata u ndaluan në përpjekjen e fundit nga policia, të cilët hodhën gaz lotsjellës dhe përdorën ujë me presion për t'i shpërndarë turmat. Nga protesta pati edhe të lënduar.

Basha njoftoi pas protestës se gjatë ditëve në vijim në vend do të ketë forma të ndryshme të rezistencës së qytetarëve. Si Ambasada e SHBA dhe delegacioni i BE në Shqipëri e dënuan dhunën, dhe i kërkuan organizatorëve që të përshkallëzohej gjatë protestave të ardhshme.

Në Serbi

Në Beograd, demonstruesit hynë në radio-televizionin shtetëror të Serbisë (RTS), duke kërkuar të flasin drejtpërdrejtë me audience, për largimin e Vuçiç.

Ka patur protesta të përjavshme të opozitës që nga dhjetori kundër presidentit serb Aleksandër Vuçiç, duke kërkuar lirinë e medias si kusht për zgjedhje të lira dhe të ndershme. Kanalet televizive shtetërore i kanë dhënë mbulim të pakët të protestave.

Në Malin e Zi

Në Malin e Zi, protestat janë ende pothuajse ekskluzivisht të organizuara nga lëvizjet qytetare dhe jo nga partitë e opozitës. Mjëra qytetarë protestuan në kryeqytet për të kërkuar dorëheqjen e presidentit, Milo Gjukanoviç dhe qeverisë së tij, për shkak të akuzave për shpërdorim detyre dhe grabitjes. Politiko.al/