Festivali Europian i Muzikës “Eurosong Contest” është një nga mundësitë më të mira për të promovuar Shqipërinë në nivel evropian sa i përket muzikës. Si çdo vit, përfaqësuesi i Shqipërisë në këtë kompeticion evropian zgjidhet nga “Festivali i Këngës në RTSH”.
Megjithëse, shumë i kritikuar, në Festivalin e Këngës marrin pjesë këngëtarët të cilët janë ende fanatikë të ‘live-t’ por që nuk janë më të preferuarit e publikut, kjo është dhe arsyeja pse shpesh herë Shqipëria “dështon” në Eurovizion.
Këtë vit, gara më e fortë është përqendruar në dy emra: Soni Malaj dhe Jonida Maliqi. Të dyja vinë me materiale që kanë mesazhe dhe janë thuajse në të njëjtin nivel votash, nëse konsiderojmë si etalon matës votimet online.
Nëse Jonidën kemi vite që nuk e shohim në një skenë festivali apo me materiale muzikore, Soni Malaj vazhdimisht vjen me projekte të reja muzikore.
Por pse duhet që Soni Malaj të përfaqësoje Shqipërinë në Eurovizion?
Energjike, e talentuar dhe e bukur. Një prej këngëtareve më të mira të skenës sonë. Soni Malaj është rritur në skenë, që adoleshente ishte pjesë e grupit “Spirit Voice”, ku vajza brune spikati që në fillim duke fituar zemrën e qindra mijëra fansash.
Pas shpërbërjes së grupit, Soni ka ndjekur karrierën e saj solistike dhe ka prodhuar shumë hite për publikun shqiptar. Përveç këngëve të ndryshme, Soni Malaj ka marrë pjesë edhe në shfaqje muzikore ‘musical’ të cilat kërkojnë aftësi dhe në aktrim përveçse në vokal.
Soni Malaj ka një histori të gjatë me Festivalin e Këngës, në fillim si pjesë e grupit ‘Spirit Voice’ e më pas si soliste.
Soni Malaj ka marrë pjesë në festival në vitin 1997 me këngën ‘Mbi Mesdhe’ me grupin “Spirit Voice” dhe dy vite më pas me këngën ‘Nëse ndryshoj, s’më tremb errësira’.
Në vitin 2004 Soni Malaj u rikthye në këtë festival, me këngën ‘Eja në Ballkan’ por kësaj herë si soliste, dhe një vit më vonë do të ngjitej në skenë si prezantuese e Fest’ 44”.
Çmimi i parë në “Top Fest”
Në karrierën e saj, Soni numëron disa çmime dhe pjesëmarrje të shumta në festivalet që organizohen në Shqipëri. “Me të jeton” është balada që i dha asaj çmimin e parë në Top Fest dhe shumë çmime të tjera ndër vite si balada më e mirë, këngëtarja më e mirë femër, vokali më i mirë, performanca e interpretimi më i mirë dhe shumë të tjera.
Kënga është një përjetim personal
Kur arti shpreh botën tënde të brendshme, merr kuptim më shumë. Soni Malaj ka shpjeguar në disa intervista të ndryshme se kjo këngë është një “himn” për jetën e saj, sfidat dhe ringritjet që ka bërë pas “rrëzimeve” që i ka dhënë jeta.
“Kur rritesh në skenë ti këndon për çdo etapë të jetës tënde, si atë profesionale edhe atë personale dhe pas dy dekadash në skenë ku unë kam kënduar edhe këngë që deri diku kanë qenë private, e ndjeva që të vija në këtë festival të këngës me një përvojë jetësore. Është në qendër njeriu, pra jo vetëm femra, kam pasur dëshirë që të vë në pah vlerat e një personi që arrin që me besimin në Zot, me besimin në vetvete dhe me punë, me talent, pa kompromise, arrin të ringrihet. Është si puna e asaj breshkës fisnike, ngadalë ngadalë ecën e shkon në destinacion. Më gëzon fakti që autorët e këngës e kanë kuptuar se çfarë doja unë,-” është shprehur Soni në një nga intervistat e saj.
Fituese e “Dancing With the Stars Albania”
Soni Malaj, këtë vit ka fituar çmimin e parë në edicionin e e veçantë të “Dancing With the Stars” ku të gjithë konkurrentët ndër vite garuan me njëri-tjetrin. E disiplinuar dhe shumë e zonja në çdo punatatë, Soni arriti të triumfonte në garën e kërcimit. Gjatë gjithë edicionit, Soni ka qenë konkurrentja më e fortë, e cila sfidonte vetën e saj puntatë pas puntate. Duke qenë kaq e talentuar në kërcim, kjo e ka ndihmuar atë në performancën e këngës “Më e fortë” dhe Eurovizion preferon më shumë, performancë elektrizuese.
Karrierë ndërkombëtare
Ndryshe nga shumë shqiptarë që janë larguar nga Shqipëria për të vijuar një karrierë ndërkmbëtare, për Sonin kanë ardhur ndërkombëtarët në Shqipëri. Reperi i famshëm Joëell, ka ardhur enkas në Shqipëri për të realizuar klipin në bashkëpunim me Soni Malaj me këngën “En la Intimidad”. Soni është shumë e njohur në vendet latine dhe ajo pas bashkëpunimit me Jowell, Soni solli versionin remix të këngës “Sensual Inspiration”, bashkë me Jowell, Randy-n dhe Farrukon. Në këtë këngë, Soni Malaj këndon një pjesë në gjuhën franceze duke i dhënë një këndvështrim më të bukur këngës.
Vokal dhe performancë
Soni Malaj gjithnjë është adhuruar nga publiku për baladat e saj të fuqishme, që janë kthyer dhe në melodinë e preferuar të shumë shqiptarëve. Dhe në rastin kur Soni ka sjellë një ritëm tjetër, gjithnjë ka punuar në detaje për të sjellë dhe performancë.
Ndërkohë që një këngëtar edhe performon ndërsa këndon është shumë e vështirë të kapë notat, por Soni e zotëron shumë mirë skenën duke dhënë: shpirt, vokal dhe performancë.
Eurovizon pikërisht këtë do.
Dhe Soni e bën!
Elokuente dhe e shkathët
Prej vitesh, Eurovizion nuk ka patur përfaqësues më të denjë se Eugent Bushpepa, vitin e shkuar. Mediat e huaja kanë shkruar shumë për të. Gazetarët e Eurovzion dhe Wiwiblogs kishin një ndër të preferuarit Bushpepën, pikërisht për tipin e tij, elokuencën në të folur dhe shkathtësinë.
Soni e bën më së miri këtë. Aq më tepër pasi ajo di katër gjuhë të huaja në mënyrë të shkëlqyer dhe do ishte një ‘kartë’ e mirë për Shqipërinë. Soni ka prezantuar evente të ndryshme dhe nuk do e kishte aspak problem komunikimin me gazetarë e huaj dhe të përfaqësonte Shqipërinë në mënyrë dinjitoze.
Megjithëse gara është shumë e fortë, shumë sondazhe online e nxjerrin Sonin si fituese, e disa të tjera Jonidën edhe pse me një diferencë shumë të vogël.
Politiko.al
Po ju kë preferoni të shihni përfaqësues të Shqipërisë në Eurovizion?
Votoni finalistët e natës finale që do të konkurrojnë sonte në Festivalin e Këngës në RTSH për çmimin e parë:
Financuar Nga Bashkimi Europian
