Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

'Evropa foli qartë e troç', ish-presidenti: Rama jo vetëm bllokues i rrugës të Shqipërisë, por edhe pengesë për Kosovën

Politiko 19 Qershor 2019, 14:10

'Evropa foli qartë e troç', ish-presidenti: Rama jo

Ish-Presidenti Bujar Nishani e cilëson kreun e qeverisë, si pengesë jo vetë, në rrugën drejt Europës, por edhe liberalizimin e vizave për Kosovën.

Me një mesazh të argumentuar në faqen e tij në "Facebook", Nishani shkruan se Bashkimi Evropian iu dërgoi shqiptarëve për të tretin vit radhazi mesazhin e fortë dhe të qartë se nuk pranojnë modelin e një shteti të kapur politikisht dhe institucionalisht nga krimi i organizuar.

Statusi i plotë

Për të tretin vit me rradhë Bashkimi Evropian u dërgon një mesazh të fortë dhe të qartë shqiptarëve.

Liderët evropianë ndërsa konfirmojnë fort përkatësinë perëndimore dhe evropiane të shqiptarëve, dënojnë dhe nuk pranojnë modelin e një shteti të kapur politikisht dhe institucionalisht nga krimi i organizuar, të një sistemi të degraduar e kalbëzuar nga korrupsioni masiv.

Tashmë, qartësisht rruga evropiane e shqiptarëve është bllokuar plotësisht dhe rrezikon të kthehet pas, drejt rilindjes së izolimit tonë siç e pësuam për 50-të vite.

Padyshim që fatkeqësisht shqiptarët u gënjyen e mashtruan keqazi në 2013, por të dorëzohen e nënshtrohen sot në 2019 ndaj mashtruesve dhe batakçinjëve që zvarriten rreth atyre nuk do të mundet të ndodhë më.

Ndaj Evropa ju foli qartë e troç.

Nuk ka vijim të proçesit të përbashkimit të shqiptarëve me Evropën, as në qershor, nuk do të ketë as në shtator, as në tetor dhe askurrë përsa kohë ky vend të jetë i marrë peng nga një anarkist pa fé e pa atdhé, që shtetin ja ka deleguar krimit dhe llumit më të zi të një shoqërie.

Unë e di që Edi Rama nuk ka aftësinë dhe kapacitetin ti lexojë dhe kuptojë mesazhet e komunitetit ndërkombëtar ndaj tij, por po ashtu e di mirë se këshilltarët e tij ja thonë dhe shpjegojnë mirë.

Por Edi Rama ka vendosur të djegë Shqipërinë e ta kthejë këtë vend 30 vite pas.

Ky është misioni i tij !

Edi Rama është tashmë jo vetëm bllokues i rrugës evropiane të Shqipërisë por edhe pengesë për liberalizimin e vizave për Kosovën, siç janë deklaruar burimet evropiane dhe pengues edhe i Maqedonisë së Veriut në rrugëtimin e saj evropian, siç janë deklaruar kryeministri dhe presidenti maqedonas.

Nuk mund të pranohet kurrë, për asnjë çmim nga një shoqëri dhe popull normal, situata kur faktohet publikisht që kryeministri, ministrat dhe i gjithë rrethi i tij të jetë i lidhur me krimin e organizuar dhe me taborin e këtyre bandave kriminale të ketë kërcënuar dhe izoluar votuesit kundërshtarë dhe të ketë blerë me paratë e pista vullnetin e tjetërsuar të njerëzve të thjeshtë në një proçes elektoral të manipuluar.

Skandalet e pushtetarëve sot janë kthyer në të përditëshme.

Nuk ke kohë të denoncosh, analizosh e dënosh njërin pasi vjen menjëherë tjetri.

Ky është fenomeni më i parë i dekadencës së plotë të një pushteti.

Por kur vetë kryeministri del i përfshirë në krim të rëndë elektoral ky është skandal mbi skandalet.

Një kryeministër që kërcënon shqiptarët se nuk do lejohen të udhëtojnë në Evropë në fakt e ka futur vendin në rrugën e rikthimit të rregjimit të vizave.

Kur Holanda e paralajmërojë ky e përqeshi, kur ajo e propozojë ky e përgënjeshtroi, tani që nisi shqyrtimin dhe vetë Komisioni Evropian, ky hesht.

Një kryeministër që e mbushi grupin parlamentarë me individë me rekorde kriminale e pastaj ligji i Dekriminalizimit i penalizoi gati 15% të atij grupi, ku lista e një qarku të tërë ju penalizua 100% si e kriminalizuar, nuk mund të vijoi të mbajë peng rrugën evropiane të shqiptarëve.

Rruga evropiane nuk do të hapet as në shtator, as në tetor e asnjëherë përsa kohë qeverisja në Shqipëri do të mbetet e kapur dhe në shërbim të krimit të organizuar, përsa kohë korrupsioni dhe vjedhjet masive të parave publike do të funksjonojnë si model, përsa kohë Edi Rama do të mbajë pushtetin ilegjitim me dhunën e policisë dhe prokurorisë.

Sot ka mbaruar koha e dhunës, shantazhimit, kërcënimit, qelive dhe gazit helmues mbi popullin.

Sot është koha e popullit të lirë !

Ata do të bëjnë çdo sakrificë për jetën e fëmijëve të tyre që tenton ta shkatërrojë përfundimisht një njeri pa fé e pa atdhé.