Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

FaceApp: Sa gallatë, por dhe sa budallëk! Çfarë është, kush fshihet pas aplikacionit rus dhe cilat janë rreziqet

Politiko 18 Korrik 2019, 12:53

FaceApp: Sa gallatë, por dhe sa budallëk! Çfarë

Kristina Libby/ PopularMechanics

Përktheu: Politiko.al

Një ditë tjetër, një tjetër sfidë në mediat sociale me pasoja potencialisht të zymta. Nëse jeni një nga miliona njerëzit të cilët kohët e fundit kanë shkarkuar FaceApp për të marrë pjesë në "Challenge #FaceApp" dhe ti tregoni botës se si do të dukeni kur të jeni të mplakur dhe të thinjur, ka lajme të këqija: Mund të keni, pa dashje, dhënë akses në 'dytësin' tuaj aktorëve keqbërës ... që mund të bëjnë ç'të duan me atë përmbajtje ... për gjithë jetën.

Çfarë është FaceApp?

FaceApp së pari shpërtheu në 2017, kur u shkarkua 80 milionë herë dhe tani po përjeton një nivel të ri të viralitetit falë sfidës që ofron. Aplikacioni përdor rrjete nervore për të simuluar pamjen tuaj kur ë mplakeni: duke shtuar rrudhat, zverdhur dhëmbët - dhe sfida është fushata e marketingut e kompanisë që ju inkurajon t'a ndani imazhin.

Duket si një lojë zbavitëse, apo jo? E pra, sapo të ngarkoni foton tuaj në aplikacion, ju po ia jepni fytyrën dhe të dhënat tuaja njerëzve misteriozë që mund t'i përdorin për qëllime potencialisht të dëmshme.

Ëireless Lab, kompania pas FaceApp, ka kushte shumë fluide të termave të shërbimit që ngrenë një numër të madh shqetësimesh për privatësinë. Seksioni 5 i Termave të Shërbimit "i jep FaceApp një licencë të përhershme, të pakthyeshme, jo-ekskluzive, pa pagesë, në mbarë botën, plotësisht të pagueshme, të transferueshme dhe të licencueshme për të përdorur, riprodhuar, modifikuar, përshtatur, publikuar, shpërndarë dhe të shfaqë publikisht të dhënat tuaja në të gjitha formatet dhe kanalet e mediave të njohura tani ose të zhvilluara më vonë pa kompensim për ju. "

Pa dyshim, ky lloj i zotërimi i përmbajtjes është standard për shërbimet e aplikacioneve. Por TOS i FaceApp është veçanërisht i paqartë.

Politika e privatësisë së FaceApp jep mundësinë për të mbledhur informacionin e dërguar nga pajisja juaj duke përfshirë faqet e internetit që vizitoni, shtesat dhe informacione të tjera që ndihmojnë aplikacionin "të përmirësojë shërbimin e tij." Kjo do të thotë që FaceApp ka akses të gjerë në pajisjen tuaj, fotot tuaja , dhe më shumë, edhe nëse aplikacioni iu përgjigj menjëherë TechCrunch-it duke thënë se nuk ka ndërmend të keqpërdorë të dhënat ose informacionin tuaj.

Por ka një dyshim shtesë, potencialisht problematik për çështjen e aksesit: FaceApp ndodh që e ka bazën në Rusi.

Kush është pas FaceApp?

Wireless Lab është i bazuar në Shën Petersburg, Rusi dhe kryesohet nga Yaroslav Goncharov, një ish-punonjës i Yandex. Duke pasur parasysh rolin e konfirmuar që Rusia dhe kompanitë ruse kanë luajtur në zgjedhjet e vitit 2016 të Shteteve të Bashkuara dhe në luftën propagandistike në vazhdim, komunitetet e sigurisë dhe të privatësisë janë të shqetësuara në mënyrë të kuptueshme rreth niveleve të aksesit të të dhënave kur përdorni FaceApp. Ndonëse nuk ka lidhje të drejtpërdrejta dhe të qarta me qeverinë ruse, po sikur të ketë? Dhe çfarë lloj ndikimi mund të ketë kjo?

Pse duhet të kujdesem për dhënien e imazhit tim një kompanie ruse?

"Ekziston mundësia reale që aplikimet si këto janë thjesht rrjeta të dizajnuara për t'ju marrë informacione", thotë Marc Boudria, VP i Teknologjisë për kompaninë AI, Hypergiant.

"Ju vetëm sa i dërguat, imazhe të qarta dhe të ndriçuara mirë të fytyrës suaj", vazhdon ai. "Tani, ata e dinë emrin tuaj dhe detajet vitale dhe mund të krijojnë një rekord të detajuar të imazhit për ju si njeri. Modeli i ardhshëm nuk do të kishte problem të triangulonte, të verifikonte dhe të shtonte më shumë të dhëna nga burime të tjera si LinkedIn, e cila më pas do t'u jepte atyre arsimimin, historinë tuaj të punës, gjithcka rreth jush".

Bisedat aktuale rreth softuerit të detektimit së fytyrës dhe 'deep fakes'po nxjerrin në pah rreziqet e kompanive individuale që posedojnë databasa të gjera- veçanërisht databasa të dhënash të fytyrave të njerëzve që mund të fuqizojnë teknologjinë e detektimit të fytyrës.

Një studim i kohëve të fundit nga shkencëtarë me bazë në Moskë detajon zhvillimin e një modeli të të nxënit kompjuterik që mund të përdorë disa ose vetëm një imazh për të krijuar deep fakes nga ato imazhe. Ndërkohë, një artikull i kohëve të fundit në Neë York Times theksoi se "dokumentet e lëshuara të dielën e kaluar zbuluan se zyrtarët e Emigracionit dhe Doganave [ICE] përdorën teknologjinë e njohjes së fytyrës për të skanuar fotot e motoristëve për të identifikuar emigrantët pa dokumente. FBI gjithashtu ka më shumë se një dekadë që përdor sisteme të tilla për të krahasuar patentat dhe fotot e vizave me fytyrat e kriminelëve të dyshuar, sipas një raporti të Zyrës së Përgjegjshmërisë së Qeverisë të muajit të kaluar.

Tani që një kompani tjetër ka akses në të dhënat tuaja dhe një rekord të fortë që përfshin të ngjashmin tuaj të mplakur, ky informacion mund 'të armatoset' nga çdo aktor që është i interesuar të bëjë dëm përmes një sulmi kibernetik ose një fushate propagandistike. Ndërsa shikojmë drejt zgjedhjeve të ardhshme të 2020 - por edhe në natyrën gjithnjë e më të ndërlidhur të ekzistencës sonë të përditshme - ky është një shqetësim shumë real dhe i gjallë.

"Ka shqetësime të dukshme politike për ndarjen e informacionit personal identifikues, veçanërisht duke pasur parasysh se si Rusia e ka ripërdorur informacionin 'e armatosur' kundër demokracive, shpesh në forma të manipuluara dhe të rreme, dhe e ka përdorur biznesin vendor sipas vullnetit të vet", thotë Peter Singer i Neë American Felloë dhe autor i LikeËar. "Por ka edhe disa çështje të rëndësishme të privatësisë, madje edhe përtej aspektit të Rusisë. Ashtu si shumë nga mediat sociale, shumica e përdoruesve po mendojnë vetëm për aspektet argëtuese, jo se si mund të jenë të monetizuara dhe të armatosura ".

Çfarë mund të bëj për të mbrojtur veten?

sa për fillim, mos kini një qasje apatike ndaj sigurisë personale. Ne e dimë se është e lehtë t;i kalosh pa vramendje shpjegimet e politikave të privatësisë, por sa më shpejt të filloni të bëni pyetje dhe t'u kushtoni vëmendje, aq më shpejt mund të filloni të mbroni të dhënat tuaja.

"Konsumatorët duhet të përdorin versionet e fundit të iOS dhe Android për të ndihmuar në kontrollin e këtyre rreziqeve", thotë Dan Guido, CEO i Trail of Bit. "IOS 13, që vjen këtë vjeshtë, njofton përdoruesit kur aplikacionet mbledhin të dhënat e tyre të vendndodhjes ose aktivizojnë Bluetooth në sfond."

Aplikacionet nuk kanë pse të jenë të pasigurta, thotë Guido. "App iOS Photos përdor procesime të pajisjes për të njohur fytyrat dhe vendet," thotë ai. "Ndërtimi i softuerëve në këtë mënyrë është më i vështirë. Apple dhe Google duhet të lëshojnë APi të softuerëve që e bëjnë më të lehtë përpunimin nga pajisjet, dhe më pas tu kërkojnë llogari zhvilluesve të aplikacioneve nëse ato nuk përdoren. "

Kur ofruesit e platformave mbajnë një qëndrim të fortë ndaj mbrojtjes së sigurisë njerëzore, ne heqim barrën e njerëzve për të kontrolluar sigurinë e tyre. Në vend që të jetë një person kundër të gjithë aktorëve dashakëqinj, një fokusim te siguria në të gjitha nivelet - nga Google dhe Apple tek përdoruesit individualë - siguron një komunitet më rezistent dhe më të sigurt për të gjithë.