Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fasonët e Krujës letër zyrtare qeverisë: Nëse na mbyllni, përmbushni më parë këto kërkesa

Politiko 25 Prill 2020, 09:38
Fasonët e Krujës letër zyrtare qeverisë: Nëse na

Drejtuesit e fasonerive në Krujë, të cilët së fundmi janë kthyer në vatra infeksioni të covid-19, i kanë drejtuar një letër zyrtare qeverisë me disa kërkesa konkrete, në rast se ata urdhërohen që të mbyllin përkohësisht aktivitetet e tyre.

Në letër, pronarët fasonë i kërkojnë qeverisë që të marrë përsipër me fondet e saj, kostot shtesë për realizimin e masave të punës ndaj parandalimit të COVID-19, rritjen e numrit të mjeteve të transportit me shpenzimet e shtetit, të qartësohet mbështetja financiare e qeverisë ndaj punonjësve të sektorit “FASON” dhe se qeverisë i takon të rinegociojë kohëzgjatjen e kontratave me porositësit, për të shmangur gjobat.

“Qeveria të marrë përsipër me fondet e saja, kostot shtesë për realizimin e masave të punës ndaj parandalimit të COVID-19, dhe këto masa duhet të jenë teknikisht të arritshme për Ne (si p.sh, pamundësia e rendimetit në punë me doreza përgjatë gjithë orarit të punës. Pamundësia e distancimit fizik, përsa kohë një Linjë Makinerie 25 metra e gjatë, sipas udhëzimeve nga ekspertët që kanë bërë montimin, nuk duhet të punojnë më pak se 45 punonjës, për të plotësuar kushtet e shëndetit dhe sigurisë në punë, si dhe për një prodhim minimal me standarte normale, dhe të tjera të dhëna teknike të punës konkrete sipas të cdo Fabrike Fason).

Kryerjen e Transportit të Punonjësve, sipas Lejës së ka thënë Drejtoria e Përgjithshme e Shërbimeve të Transportit Rrugor (DPSHTRR), Numri i punonjësve ‘pasagjerve’ në Mjetin e Transportit, nuk duhet të ndryshojë. (Transporti për Sektorin “Fason”, e ka të pamundur të 4-fishoj ose 6-fishoj mjetet e Transportit për t’u përshtatur me Protokollin e Kuq të Masave Higjeno Sanitare COVID-19, për Biznesin “FASON”. Ne mund t’i përshtatemi rritjes së numrit të mjeteve tona të Transportit vetëm në rastet kur shtimi i mjeteve motorike ekstra nga çfarë kemi aktualisht, shpenzimet e tyre mbulohen nga Shteti).

Të qartësohet mbështetja Financiare e Qeverisë ndaj Punonjësve të Sektorit “FASON”. (Qeveria duhet të prononcohet qartë dhe kuptueshëm për punonjësit tanë, çfarë Ajo u ofron ose nuk u ofron, punonjësve si ndihmë financiare ndaj paqëndrueshmërisë së tyre ekonomike në punë, si rrjedhojë e COVID-19. Qeveria të mbështesi punonjësit e Sektorit “Fason”, me “Pagë Luƒe 26,000 ALL” ose me “Bonus Page 40,000 ALL”, dhe të jetë e qartë në çdo mbështetje financiare ndaj tyre. Kush është mbështetja financiare e Qeverisë ndaj Punonjësve tanë?)

Qeveria në mënyrë të veçantë dhe urgjente, duhet të harmonizojë punën në Sektorin Fason, përballë Kontratave me Porositësit që ka ky Sektor. (N.q.s Ne si Biznes “FASON”, mbyllim aktivitetin për aq dita sa na kërkohet nga Autoritetet, si dhe në raste të vecanta për aq ditë sa vlerësohet nga Administratorët e Sektorit “FASON”. Kjo kohë pezullimi i aktivitetit, në funksion të parandalimit të COVID-19, i takon Qeverisë Shqiptare, që nëpërmjet Minsitrisë së Financave, të rinegociojë për llogarinë Tonë, me Porositësit, kohëzgjatjen e Kontratave tona, për sa kohë Qeveria ende nuk ka një Urdhër të qartë që i ka mbyllur Ndërmarrjet FASON, ku Ne të kemi mundësi t’i referohemi për t’ia komunikuar Porositësve tanë. Përsa kohë mungon ky Urdhër, mbetet detyrë e Qeverisë Shqiptare të rinegociojë kohëzgjatjen e Kontratave tona te Porositësit tanë, që mos gjobitemi. Harmonizimi i kohës së punës së Aktivitetit tonë me kohën e punës së Shteteve nga na vjen Porosia)”, thuhet në letrën e pronarëve fasonë në Krujë.

Të fundit