Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fati i 30 qershorit/ A do ta njohë kërkesën e Beqirajt pas dekretit të Metës? Kolegji Zgjedhor tërhiqet për vendimin

Politiko 24 Qershor 2019, 12:30

Fati i 30 qershorit/ A do ta njohë kërkesën e Beqirajt pas

Kolegji Zgjedhor është tërhequr që në orët në vijim të shpallë edhe vendimin lidhur me kërkesë-padinë e Idajet Beqirit, kreun Partisë Uniteti Kombëtar.

Beqiraj kërkoi të ç’regjistrohet nga listat e koalicionit me Partinë Socialiste, pas dekretit të presidentit për anulimin e zgjedhjeve, por Komisioni Qendror i Zgjedhjeve nuk e pranoi kërkesën e tij.

Për këtë arsye, Beqiraj e ankimoi çështjen në Kolegjin Zgjedhor, i cili sot në një seancë të zhvilluar me një trupë të përbërë nga Tomor Shkreli, Ridvan Hado, Lindita Sinanaj, Artur Malaj dhe Shkëlqim Mustafa u njoh me pretendimet e të dyja palëve.

Kryetari i Partisë Uniteti Kombëtar, tha se nuk e pranon 30 qershorin në kushtet e krizës politike duke kërkuar çregjistrimin.

“Nuk pranoj 30 qershorin në kushtet e krizës politike. Ishim të bindur se në 30 qershor do bëheshin zgjedhje. U kapëm në befasi nga Dekreti i presidentit. Kërkojmë çregjistrim nga zgjedhjet. Kolegji duhet ta zgjidhë këtë ngërç të krijuar”, deklaroi Beqiri para Kolegjit Zgjedhor.

Sipas tij, vendimi i KQZ për mos çregjistrimin e partisë së tij në koalicion me socialistët, është i pavlefshëm.

Nga ana tjetër, juristi që përfaqësonte KQZ e cilësoi vendimin të drejtë, pasi nuk e njeh dekretin e presidentit që anulon zgjedhjet si të vlefshëm, pasi që në krye të herës KQZ e cilësoi si ‘nul’ dhe një akt individual, që nuk prodhon efekte juridike dhe si i tillë nuk zbatohet.

Vendimi i Kolegjit Zgjedhor përcakton indirekt fatin e 30 qershorit

Ndërsa pritet një vendim i Kolegjit Zgjedhor lidhur me padinë e kreut të PUK për ç’regjistrim nga listat e koalicionit me Partinë Socialiste pas dekretit të Metës, në mënyrë indirekte do të përkthehet edhe si ‘fjala e fundit’ nëse zgjedhjet vendore do të zhvillohen ose jo në 30 qershor.

Pra, nëse Kolegji vendos të pranojë kërkesën e Beqirajt për ç’regjistrim pas dekretit të Metës, do të thotë se në fund të kësaj jave nuk ka zgjedhje, nëse lë në fuqi vendimin e KQZ, atëherë qytetarët do t’u drejtohen kutive të votimit.

Çështja u dërgua në Kolegjin Zgjedhor për shkak të mungesës së Gjykatës Kushtetuese, e cila sipas opozitës dhe presidentit është ajo që vendos e fundit mbi vlefshmërinë ose jo të këtij dekreti.

Megjithatë, ekziston edhe një tjetër mundësi që Kolegji Zgjedhor mund të mos dalë sot me një vendim konkret dhe ta pezullojë deri në krijimin e Gjykatës Kushtetuese.