Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fatmir Mediu: Euro-deputetët kërkojnë të sillemi si kalamaj të bindur

Politiko 28 Shkurt 2019, 21:56
Fatmir Mediu: Euro-deputetët kërkojnë të sillemi si kalamaj

Kreu i Partisë Republikane, Fatmir Mediu, nuk i ka pritur mirë deklaratat e euro-deputetit Knut Fleckenstein që akuzoi opozitën për situatën politike në vend. Në studion e lajmeve në ‘Ora News’, ai shtoi se BE-ja duhet të dëgjojë më shumë shqëtësimet e tyre dhe se sjellja e euro-deputetëve ishte jo seriozë.

“Nëse Knut Fleckenstein është më shqiptar se ne shqiptarët dhe mendon që ne duhet të jemi në BE dhe ne themi që nuk jemi, duhet dhe ai të përpiqet të korrigjojë pas shënjestrën në raport me ato çfarë thotë. Si europarlamentar, sidomos raporterët për Shqipërinë, është mirë që për disa probleme dhe shqetësime të opozitës të ketë më tepër kohë për ti dëgjuar, konstatuar dhe për ti verifikuar para ser të mbajnë një qëndrim”, sqaroi Mediu.

“Me BE ne nuk po luajmë teatër, po u sollëm si ata kalamajtë e urtë padyshim që do të na fusin në rrethin e kalamajve të tjerë. Jo, BE nuk është institucion i kalamajve të bindur, BE është institucuion i shteteve funksionale që ndajnë të njëjtat vlera dhe parime.Nuk mendoj se duhet të shkoj në BE për të qenë vasal i dikujt por qytetar i BE. Nuk mund të më trajtojnë sikur të jem me bisht, që të më thonë ule bishtin kësaj radhe që të mos e shikojmë, sepse kështu do të pranojnë në BE. Pastaj kur të hysh në BE ngrije bishtin prapë që të dukesh si ai që je realisht”, theksoi ai.

“Reagim i pritshëm. Duke qenë në prag të hapjes së negociatave ka një investim në kohë. Padyshim që shtyrja është drejt atij procesi, por ky proces është përcaktuar për hapjen e negociatave dhe nuk ka të bëjë me opozitën por për të njëjtat arsye që nuk u hapën, madje janë shtuar arsye negative që të mos hapen negociatat. Përgjithësisht Europa kërkon të ketë një raport sa më stabël në një vend, sidomos si Shqipëria, duke pasur në konsideratë dhe konjekturën e Ballkanit. Ata e kanë dhe të vështirë për ta konceptuar sesi mundet që Shqipëria nuk më as pushtete të ndara, as Kushtetutë dhe as ligj”, përfundoi ai.

Të fundit