Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fatmir Xhafaj flet në konferencë për Agronin ‘shembullor’: Bëra gjithçka si vëlla që ai t’i kthehej vlerave të denja

Politiko 16 Maj 2018, 18:53

Fatmir Xhafaj flet në konferencë për Agronin

Ministri i Brendshëm, Fatmir Xhafaj ka dalë sot në një konferencë për mediat ku ka sqaruar çështjen ku është përfshirë vëllai i tij, Agron Xhafaj. Ministri Xhafaj deklaroi se vëllai i tij nuk i është fshehur drejtësisë italiane por ka kërkuar që të jetë i pranishëm në procesin e gjykimit.

Fatmir Xhafaj foli për një Agron të shndërruar në njeri shembullor, pas përfshirjes në trafikun e drogës në Itali. Ai deklaroi se ka bërë gjithçka që ishte e mundur që vëllai i tij të kthehej në vlerat e denja, të mbaronte arsimin e lartë dhe të krijonte familje.

Sa i përket dënimit në Itali, Xhafaj ka theksuar se nëse Agroni do të kërkonte njohjen e dënimit në Shqipëri, ai nuk do shkonte në burg për shkak të hapësirave që ofron ligji shqiptar.

Pjesë nga deklarata e Fatmir Xhafajt:

Sharlatanët politikë, shpifësit, shtantazhuesit dhe shkelësit e ligjit nuk e meritojnë asnjëherë t’u respektosh kërkesën për shpjegime. Si funksionar i lartë publik po e vendos veten time në pozicionin e llogaridhanësit vetëm në respekt të së drejtës që kanë qytetarët e këtij vendi për t’i kërkuar llogari zyrtarëve.

Në interes të momentit po e risjell publikisht këtë çështje. Ngjarja ka ndodhur në vitin 2002, vëllai im ka qenë 25 vjeç, autoritetet italiane e ndaluan për një muaj dhe më pas e larguan nga Italia. Unë kam qenë ministër i Turizmit në qeverinë e Pandeli Majkos. Unë i kam kërkuar dorëheqjen, por zoti Majko nuk e pranoi.

Vëllai im nuk iu fsheh kësaj çështje, por ka kërkuar që të marrë pjesë në shqyrtimin e saj.

Unë asnjëherë si funksionar publik dhe akoma më shumë si ministër i Brendshëm nuk kam bërë kompromis me faktin se vëllai im duhet të vuante dënimin.

Si vëlla i përgjegjshëm unë kam bërë gjithçka që kam patur në dorë që im vëlla të kthehej në vlerat e denja. Im vëlla shumë shpejt iu kthye normalitetit, mbaroi arsimin e lartë dhe krijoi familje. Sot, unë dhe familja ime jemi të goditur sepse dënimin sot po shkon ta vuajë një Agron që nuk ka lidhje me atë të 16 vite më parë. Ne do të bëjmë çdo gjë të mundur për ta përballuar këtë situatë.

Është momenti për të nënvizuar një tjetër fakt ligjor për këtë çështje.

Për ligjin shqiptar në fuqi, ndjekja penale dhe dënimi penal që duhet ekzekutuar në rastin e vëllait tim është parashkruar. Rrjedhimisht, në Shqipëri, për asnjë shkak dhe për asnjë rrethanë ligjore, Agron Xhafaj nuk do të bënte asnjë ditë burg. Pra e thënë më shkurt, nëse im vëlla do të bënte njohjen e vendimit të tij penal, këtu në Shqipëri, dhe do të priste ekzekutimin e tij këtu në Shqipëri, në ngarkim të tij sipas ligjit shqiptar, ai nuk do e vuante atë pasi periudha katër vjeçare e mbetur për ekzekutim është në afatin pesë vjeçar të parashikuar në ligjin shqiptar. Një precedent ky i zbatuar normalisht në praktikën gjyqësore shqiptare.

Vëllai im nuk është përfshirë në asnjë shkelje ligji në Shqipëri.