Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fatmira Hajdari jo pjesë e apelit në gjykimin e privatizimit të OSHE-së: Ka miqësi dhe konflikt interesi me familjen Berisha

Politiko 8 Qershor 2020, 20:00
Fatmira Hajdari jo pjesë e apelit në gjykimin e privatizimit të

Gjyqtarja Fatmira Hajdari nuk do të jetë pjesë e apelit në çështjen e privatizimit të OSHE-së.

Mësohet se Gjykata e Apelit e pranoi kërkesën e Kuvendit për përjashtimin e Fatmira Hajdarit për konflikt interesi.

Më herët Taulant Balla ka drejtuar një shkresë në Gjykatën e Apelit të Tiranës, pasi pretendonte se Fatmira Hajdari ka miqësi dhe lidhje me familjen Berisha. Kuvendi është palë paditëse në këtë çështje dhe akuzon pikërisht ish-kryeministrin Sali Berisha dhe djalin e tij Shkëlzen Berisha.

Sipas kësaj kërkese nga Kuvendi, Fatmira Hajdari mund të ndikonte në njëanshmëri të gjykimit të çështjes dhe Gjykata e Apelit e ka pranuar këtë kërkesë duke e përjashtuar Fatmira Hajdarin. Ka qenë gjyqtarja Edlira Petri ajo që ka përjashtuar nga çështja e privatizimit të "CEZ" kolegen e saj, Fatmira Hajdari.

"Gjyqtaria Fatmira Hajdari ka miqësi familjare me ish kryeministrin Sali Berisha dhe familjaret e tij , fakt ky i njohur botërisht .

Ne kushtet kur kallëzimi  i Kuvendit  implikon shtetasit Shkëlzen Berisha dhe Sali Berisha për lidhje me shtetasin Ndue Kalaj, i dyshuar për ushtrim të ndikimit të paligjshëm ndaj personave që ushtrojnë funksione publike, pjesëmarrja e gjyqtares Fatmira Hajdari në shqyrtimin e ankimit të depozituar nga Kuvendi, duke  qenë se ka miqësi të afërt më familjen Berisha, përbën  shkak për  njëanshmëri në shqyrtimin e çështjes .

Neni 18 i Kodit të procedurës penale parashikon se “Palët mund të kërkojnë përjashtimin e gjyqtarit: në rastet e parashikuara nga nenet 15, 16 dhe 17.

Kuvendi mendon se Gjyqtaria Fatmira Hajdari  ndodhet në kushtet e  parashikuara  nga neni 17 pika 1 shkronjë ” ë” të Kodit të Procedurës Penale , e cila përbën shkak  për të kërkuar, bazuar në nenin 18 të Kodit të Procedurës Penale  përjashtimin e saj nga  trupa gjyqësore që do të shqyrtojë çështjen  me objekt “Kundërshtimi i vendimit, nr 4510/211 Akti datë 24.01.2020  për pushimin e procedimit penal nr.7340, datë 19.09.2017, për veprat penale të “Ushtrimit të ndikimit të paligjshëm ndaj personave që ushtrojnë funksione publike” dhe “Pastrimit të produkteve të veprës penale”, parashikuar nga nenet 245/1 dhe 287 të Kodit Penal. Për sa më sipër Kuvendi, si palë në këtë proces kërkon përjashtimi i gjyqtares Fatmira Hajdari nga shqyrtimi i  çështjes”, thuhej në kërkesën e Kuvendit, depozituar në gjykatë dy javë më parë.

Kujtojmë se në fillim të këtij viti Gjykata e Tiranës shpalli të pafajshëm Sali Berishën dhe Shkëlzen Berishën sa i përket privatizimit të CEZ në kohën e qeverisë së PD, por PS përmes Taulant Ballës, ankimuan vendimin në Gjykatën e Apelit.

Të fundit