All - Scripts - 4
All - Scripts - 5

Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës
Desktop - General - 1

KRYESORE

Fatos Lubonja: Po kalojmë në një fazë shumë më të rrezikshme; zjarrin e kemi të gjithë në votër

Politiko 9 Tetor 2018, 16:48
Fatos Lubonja: Po kalojmë në një fazë shumë më
All - Paragraf - 1

Nisur nga ngjarjet e fundit të ndodhura në Fushë Krujë dhe në Tiranë, analisti Fatos Lubonja zgjedh shprehjen “e ka marrë ferra uratën”, për të përshkruar situatën e rënduar kriminale në vend.

All - Paragraf - 3

Në një shkrim të publikuar te ‘Panorama’, Lubonja denoncon tentativën për të kaluar në një fazë të re dhe shumë më të rrezikshme, ku ata që denoncojnë zjarrin që ka përfshirë Shqipërinë po akuzohen se janë vetë zjarrvënësit.

“Ajo që po bie në sy së fundi është tentativa për të kaluar në një fazë të re shumë më të rrezikshme. Duke qenë se flakët po rriten në mënyrë tejet të dukshme nga akuzat për shpifje, duket se duan të kalojnë në akuzat se zjarrvënësit janë ata që denoncojnë zjarrin. Këtë ndjesi më dha ai lajmi i dhënë dje nga Kryeministri se tritolin në shtëpinë e viktimës së përdhunuar nga i biri e banda e të birit të deputetit e paska venë opozita, medemek për ta kërcënuar që të mos thotë të vërtetën: se është opozita ajo që po e përdhunon. Kjo ndjesi më kujtoi për asosacion se në vitin 1933, një kryeministër zjarrvënës famëkeq i vuri flakën Parlamentit gjerman dhe akuzoi se zjarrin e kishin vënë kundërshtarët e tij. Më çoi edhe në Shqipërinë e vitit 1951 kur në oborrin e Ambasadës Sovjetike u hodh një bombë, që theu vetëm disa xhama, për të gjetur pretekstin e pushkatimit të 21 intelektualëve të konsideruar si kundërshtarë potencialë”, shkruan Lubonja.

Duke iu referuar rastit të Xhisiela Malokut, Lubonja thotë se mjafton të shohësh atë viktimë për të kuptuar se zjarrin e kemi tashmë të gjithë në votër.

“Ndoshta ka lexues që do t’u duken shumë largvajtëse këto paralelizma. Veçanërisht atyre që nuk duan të mendojnë se zjarri, që shohin në kodër, do t’u arrijë një ditë në votër. Por, po të jesh njeri dhe jo zjarrvënës kriminal, mjafton të shohësh se si e kanë reduktuar atë viktimën e mjerë të përdhunuar për të kuptuar se zjarrin e kemi tashmë të gjithë në votër”, mbyll shkrimin e tij Lubonja.

Të fundit