Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Fëmijët nën 5 vjeç s’kanë nevojë për maskë", OBSH dhe UNICEF paraqesin udhëzimin e ri: Adoleshentët më të rrezikuar nga COVID-19

Politiko 28 Gusht 2020, 09:24

Organizata Botërore e Shëndetësisë dhe UNICEF kanë bërë me dije se fëmijët nën 5 vjeç nuk kanë nevojë për një maskë që të mbrohen nga COVID-19 dhe se adoleshentët më të rrezikuarit.

Fëmijët shumë të vegjël janë më pak të ndjeshëm ndaj virusit, për këtë arsye janë më të pakëta mundësitë e infektimit dhe më pas përhapjes tek të tjerët, thanë dy agjencitë e Kombeve të Bashkuara në një deklaratë të përbashkët.

"Sipas provave të kufizuara që kemi në dispozicion, fëmijët e vegjël mund të kenë ndjeshmëri më të ulët ndaj virusit krahasuar me të rriturit, megjithatë të dhënat në dispozicion sugjerojnë se kjo mund të ndryshojë nga mosha midis fëmijëve",thanë OBSH dhe UNICEF.

Për këtë arsye OBSH ka lëshuar udhëzime të reja të ndara sipas grupmoshave:

Fëmijët nën 5-vjeç: Nuk duhet të vishni maska për kontrollin e burimit

"Bazuar në mendimin e ekspertëve të mbledhur përmes takimeve në internet dhe proceseve këshilluese, fëmijët e moshës deri në pesë vjet nuk duhet të mbajnë maska për kontrollin e infektimit", thuhet në deklaratën e përbashkët.

Udhëzimi i ri nga OBSH dhe UNICEF kundërshton udhëzimet e tanishme nga Qendrat e SHBA për Kontrollin dhe Parandalimin e Sëmundjeve (CDC), i cili sugjeron që fëmijët nga dy vjeç e lartë duhet të mbajnë një maskë.

Fëmijët nga 6 deri 11-vjeç: OBSH thotë se duhet të aplikohet një qasje e bazuar në në shkallën e rrezikut në të cilin ndodhen. Kjo mund të kalkulohet duke marrë parasysh intensitetin lokal të transmetimit; mjediset sociale dhe kulturore ku gjenden të miturit; aftësia e fëmijës për t'u pajtuar; disponueshmëria e mbikëqyrjes së duhur të të rriturve; ndikimi i mundshëm i maskave në mësimin dhe zhvillimin psikosocial; dhe konsiderata shtesë të tilla si aftësia e kufizuar ose sëmundjet themelore.

Fëmijët nga 12-vjeç e lartë: Trajtohini si të rriturit

"Këshillohet përdorimi i maskave tek fëmijët dhe adoleshentët nga 12 vjeç dhe lartë. Për më shumë ata duhet të ndjekin udhëzimet e OBSH-së për përdorimin e maskave tek të rriturit dhe / ose udhëzimet kombëtare të maskave për të rriturit", thanë agjencitë.

Udhëzimi tha se asnjë fëmije nuk duhet t'i mohohet qasja për t’u arsimuar edhe nëse e ka të pamundur mbajtjen e një maske.

"Për fëmijët e çdo moshe me çrregullime të zhvillimit, paaftësi ose kushte të tjera të veçanta shëndetësore që mund të kenë probleme në mbajtjen e maskës, përdorimi i maskave nuk duhet të jetë i detyrueshëm dhe duhet të vlerësohet rast pas rasti nga edukatori i fëmijës dhe / ose ofruesi mjekësor i fëmijës ", shtuan OBSH dhe UNICEF.

Mburojat e fytyrës janë një zëvendësim i mundshëm i maskave, shtuan grupet, megjithëse nuk janë aq efektive sa maskat.

Dhe maskat nuk janë e vetmja masë paraprake që fëmijët duhet të marrin. "Është e rëndësishme të theksohet se përdorimi i maskave është vetëm një mjet, dhe se fëmijët gjithashtu duhet t'i përmbahen distancës fizike, higjenës së duarve dhe etiketave të frymëmarrjes", thuhet në udhëzimin e ri.// Burimi CNN// Përktheu dhe përshtati në shqip: B.L.