Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fillimi i vitit të ri shkollor, PD: Qeveria, asnjë plan, as ndjeshmëri për fëmijët me aftësi ndryshe

Politiko 21 Gusht 2020, 11:04

Fillimi i vitit të ri shkollor, PD: Qeveria, asnjë plan, as

Ndërsa këtë 14 shtator nxënësit e arsimit parauniversitar startojnë një vit shkollor në kushte aspak të zakonta, Partia Demokratike ka sjellë në vëmëndje fëmijët me nevoja të veçanta.

Përmes një postimi në rrjetet sociale, ish-deputetja demokrate, Oriola Pampuri akuzon qeverinë se ka lënë në harresë totale fëmijët e kësaj kategorie, të cilët janë përballur me vështirësi të shumta gjatë kësaj periudhe pandemie.

“Ende sot ne nuk e dimë sesi mund të jetë kryer mësimi online dhe cili ka qenë efektiviteti i këtij mësimi për fëmijët që nuk dëgjojnë e nuk shikojnë, për fëmijët me sindromën Doën, për fëmijët me crregullime të spektrit të autizmit, etj”, shkruan ndër të tjera Pampuri.

Duke vënë në dyshime përgatitjen e mësuesve ndihmës, ish-deputetja shprehet se nga raportet e organizmave që veprojnë në Shqipëri, dihet qartë se mundësitë e arsimit për këta fëmijë janë tejet shqetësuese, por pandemia e vështirësoi më shumë situatën.

Reagimi i plotë i Pampurit:

Një nga problematikat më të rëndësishme në vitin shkollor që lamë pas dhe që mbetet e pazgjidhur dhe larg vëmendjes së ministres së arsimit edhe këtë vit të ri shkollor, është arsimimi, edukimi dhe mbështetja për fëmijët me nevoja dhe aftësi ndryshe. Kryeministri në ikje Edi Rama, Ministrja e Arsimit Besa Shahini dhe Ministrja e Kujdesit Shëndetësor Ogerta Manastirliu, i kanë lënë tërësisht jashtë vëmendjes së punës së tyre këtë kategori fëmijësh.

Gjatë kohës së pandemisë, ata mëzi u lejuan pas 1 muaji të mund të dilnin në orar të kufizuar jashtë banesës. Ende sot ne nuk e dimë sesi mund të jetë kryer mësimi online dhe cili ka qenë efektiviteti i këtij mësimi për fëmijët që nuk dëgjojnë e nuk shikojnë, për fëmijët me sindromën Doën, për fëmijët me crregullime të spektrit të autizmit, etj.

Ne dimë nga raportet e dhëna e organizmave që veprojnë në Shqipëri, se mundësitë e arsimit për këta fëmijë janë tejet shqetësuese.

“Shpenzimet për sigurimin e një arsimi cilësor për fëmijët në nevojë janë planifikuar më të ulta se shpenzimet faktike të vitit 2015 për të gjithë periudhën 2018-2020.

Sipas MASR sot ka mbi 300 mësues ndihmës, por është e rëndësishme të theksohet se këta mësues ndihmës nuk kanë formimin e duhur për rolin që ushtrojnë.

Në Shqipëri ende nuk ekziston një kurrikul e përshtatshme universitare për përgatitjen e mësuesve ndihmës me njohuritë, aftësitë dhe kompetencat profesionale që të mundësojë integrimin e fëmijëve me aftësi ndryshe në komunitetin e një klase të zakonshme.

Po kështu në vitin që lamë pas dhe atë që pritet të fillojë, nuk kemi një plan për transportimin e kësaj kategorie fëmijësh në shkolla; kushtet e distancimit fizik, marrja e masave higjienike për këtë kategori fëmijësh etj.

Në jo pak kronika televizive ne kemi hasur me dhjetëra raste, kur prindërit kryejnë rolin e mësuesit ndihmës, kur prindërit marrin taksi dhe dërgojnë fëmijët në shkollë, një kosto mjaft e rëndë, kur blejnë vetë karrocat për fëmijët me aftësi të kufizuar, kur paguajnë vetë për trajtimin me specialist logoped, fizioterapist e kështu me radhë.

Shumë herë prindërit, shoqata e këtyre fëmijëve, opozita në shumë e shumë raste, kanë ngritur zërin e kanë hasur në një mur të pakalueshëm të papërgjegjshmërisë së kësaj qeverie.

Një shoqëri dallohet sesa e ndjeshme dhe përgjegjshme është pikërisht, në mbështetjen që u jep shtresave në nevojë.

Prindërit dhe nxënësit e kësaj kategorie nuk kërkojnë lëmoshë, thjesht një trajtim me dinjitet, si të gjithë, në këtë shtet që nuk dëgjon dhe nuk ka asnjë ndjeshmëri për këtë kategori fëmijësh