Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Financat’ i përgjigjen Politiko.al për kërkesën ndaj ISSH-ve, por ne kemi disa pyetje publike

Politiko 30 Prill 2020, 18:52

‘Financat’ i përgjigjen Politiko.al për kërkesën

Pak kohë më parë, Politiko.al publikoi një artikull me titull: “Denaj ‘harron’ financat, kërkesë ISSH-ve: dua listat me emerat e punonjësve dhe kush i ka futur në punë”. Për këtë shkrim, Ministria e Financave dhe Ekonomisë ka bërë një reagim ku sqaron, sipas saj, qëllimin e kërkesës. Së pari, Ministria e Financave pranon se kërkesa ka qenë e vërtet drejtuar ISSH-ve duke u shprehur se: “Në këto momente, kur i gjithë vendi yne dhe bota, po kalojnë një kohë të vështirë të pandemisë, qeveria dhe të gjitha institucionet shtetërore janë të angazhuara me të gjitha kapacitetet të përballojë këtë situatë duke iu gjendur pranëçdo qytetari dhe biznesi me paketa ndihmash financiare dhe materiale.

Por, duke qenë se në këtë kohë shumë institucione po punojnë me kapacitete të reduktuara, kjo periudhë po shfrytëzohet për të përmirësuar logjistikën e brendshme funksionale, si rregullore të brendshme, ngritje kapacitetesh për sektorë në nevoja operacionale të riorientuara sipas performancës, profilit të punës dhe trajnimeve të ndryshme, etj., në mënyrë që në kohën kur puna t’i rikthehet normalitetit, çdo gjë të jetë funksionale”, thuhet në njoftim ndër të tjera.

Së dyti, ministria e quan “keqinformim” atë atë që një burim i sigurt i tha Politiko.al, se kjo kërkesë bëhet për të larguar njerëz nga puna. Sipas ministisë në këtë periudhë nuk do të ketë largime nga puna. “Lidhur me shkrimin e botuar nga media juaj se në këto kohë po planifikohen “largime masive nga puna”, nuk janë gjë tjetër veçse keqinformime që nuk do të deshironim ta trajtonim si një qasje me qëllim dashakeqe ndaj këtij institucioni. Në këto kohë qeveria dhe Kryeministri janë angazhuar që bizneset private të mos heqin punonjësit nga puna, duke i ndihmuar nëçdo formë të mundshme dhe jo të shkurtojë punonjës nga institucionet shtetërore, që është një gjë absurde”, thuhet në njoftim.

Megjithatë, disa pyetje ngrihen natyrshëm lidhur me këtë situatë: Pse duhet të dihet nga ministria se kush i ka rekomanduar punonjësit në këtë institucion? A tregon kjo që administrata është e politizuar? A tregon kjo që DAP është vetëm maskim, pasi supozohet se punonjësit në administratën publike punësohet me meritë (siç qeveria propandon)? A u është dërguar e njëjta kërkesë të gjitha institucioneve në varësi të Ministrisë së Financave? Nëse jo, pse vetëm ISSH-së? Dhe nëse po, si mund të bëhet një proces ristrukturimimi në administratë në kohë pandemie? Si do të përmirësohet logjistika? Si do të ngrihen kapacitetet? Këto janë disa nga pyetjet publike që ne i drejtojmë ministrisë për t`u përgjigjur!