Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Financat publike 2018-2021, FMN vjen në Shqipëri, koha për një marrëveshje të re?!

Politiko 24 Shtator 2017, 14:58

Financat publike 2018-2021, FMN vjen në Shqipëri, koha për

Edhe pse marrëveshja zyrtare 3-vjeçare mes FMN-se dhe palës shqiptare ka përfunduar, ekspertët e Fondit Monetar Ndërkombëtar tashmë kanë ardhur sërish në Shqipëri. Të ngarkuar me misionin e tyre të radhës, duke nisur që nga dje, ata kanë nisur kështu një axhendë disa-ditore të ngjeshur takimesh dhe diskutimesh me ekspertët shqiptarë. Gjithçka në funksionin e monitorimit jo vetëm të ecurisë së treguesve makro-ekonomikë, por edhe të rekomandimeve që vetë institucioni i rëndësishëm financiar ndërkombëtar, FMN, i ka lënë palës shqiptare teksa gëzonte me të një marrëveshje zyrtare. Për të dalë në fund të bisedimeve me krerët e ekonomisë shqiptare në rezultate konkrete, pse jo, edhe në një deklaratë të përbashkët. Porse ajo që nuk dihet mirë ende, është fakti nëse mes dy palëve do të ketë një dakordësim për nënshkrim të një marrëveshjeje të re të përbashkët.

Misioni i radhës i Fondit Monetar Ndërkombëtar, i cili ka nisur dje turin e takimeve në zyrtarët e lartë të shtetit shqiptar, parashikohet që ta përmbyllë atë në datën 3 tetor. Konkretisht, ajo parashikon përgjatë saj takime me ministrin e Financave, Arben Ahmetaj, si edhe me Guvernatorin e Bankës së Shqipërisë, Gent Sejko. Në takimet me ta, bëhet me dije paraprakisht se tema diskutimi janë pikërisht progresi i arritur me reformat strukturore e fiskale, axhenda e politikave për 4 vitet e ardhshme etj. Sikundër, nuk do të kihen pa diskutuar edhe temat që kanë të bëjnë me borxhin ekonomik, si edhe disbursimi i kredive të reja të jashtme për periudhën e viteve 2017-2021 etj. Në të njëjtën kohë, ekspertët e FMN-së, do të diskutojnë me palën shqiptare edhe çështje që kanë të bëjnë me buxhetin e vitit të ardhshëm 2018, si edhe me planin e menaxhimit të financave publike për periudhën e viteve 2018-2021. Pa harruar këtu as temën “e nxehtë” të borxhit publik dhe detyrimeve të prapambetura që kanë krijuar institucionet ndër vite dhe shlyerjen e tyre. Sikundër, edhe atë të krijimit të të njohurave tashmë me emrin “kredi të këqija” dhe procesin e ristrukturimit dhe shlyerjes së tyre.

Duke nisur nga data 1 tetor 2017, në Shqipëri starton aksioni i ri qeveritar kundër informalitetit në ekonomi. Kjo u bë me dije nga vetë ministri i ri i Financave dhe Ekonomisë, Arbeni Ahmetaj, sipas të cilit, beteja kundër informalitetit do të shoqërohet paralelisht edhe me një tjetër reformë të rëndësishme, e cila lidhet me lehtësimin e shërbimeve për qytetarët dhe sipërmarrjen, por në të njëjtën kohë edhe me rregullimin e tregut, duke synuar uljen e burokracisë, kohës dhe kostove për publikun.