Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Financieri i ‘Habilajve’ dëshmon në Prokurorinë e Katanias? Mediat italiane zbardhin zhvillimet e fundit

Politiko 24 Prill 2018, 19:37

Financieri i ‘Habilajve’ dëshmon në Prokurorinë e

Ditën e sotme është përfolur se Nazer Seiti, i cili dyshohet si financier i ‘Habilajve’ do të jeptë dëshminë e tij të parë në lidhje me aktivitetin e grupit.

Por media italine Meridionews që ka publikuar e para lajmin për nisjen e hetimeve për dosjen e “Habilaj” shkruan se seanca e parë dëgjimore ka shumë gjasa të zhvillohet brenda pak javësh edhe pse data nuk është caktuar zyrtarisht dhe jo sot siç ishte aluduar.

Sakaq, avokati shqiptarë i Seitit, Detar Hysi është shprehur se: “Seiti nuk ka shprehur ndonjë dëshirë për t’u penduar,” shpjegon avokati.

Ekstradimi i tij drejt shtetit italian shkaktoi polemina në Shqipëri, pasi përfaqësuesit e opozitën pohuan se ai ishte gati të jepte fakte në lidhje me implikimin e Saimir Tahirin në trafikum e lëndëve narkotike.

Shkrimi i plotë:

Bashkëpunoi apo jo? Protagonist këtë herë është Nazer Seiti, 41 vjeç, i ekstraduar nga vendi i Ballkanit në fillim të vitit 2018, pasi u arrestua në mesin e tetorit të vitit të kaluar nga policia shqiptare.

Sipas të dhënave të pakonfirmuara, njeriu në fjalë sot duhet të ishte takuar me gjyqtarët e prokurorisë së Katanias. Të njejtët gjyqtarë që bashkë me forcat “Gico” të Guardia di Finanza kanë hetuar prej vitesh për bandën e krijuar nga vëllezërit Florian dhe Moisi Habilaj.

Emra këta pak të njohur në Itali, por që në Shqipëri, pas arrestimit të tyre, dhanë të dhëna të mjaftueshme për një krizë qeveritare për shkak të lidhjeve farefisnore me ish-ministrin e Brendshëm, Saimir Tahiri. Politikani në fjalë, i cituar në disa përgjime telefonike dhe mjedisore, përfundoi nën hetim me një mandat të Prokurorisë së Krimeve të Rënda në Tiranë.

Seiti, i konsideruar nga hetuesit si financieri i grupit, sipas të dhënave të mbledhura nga “MeridioNews”, momentalisht mbahet në Romë, në burgun e Rebibbia. Nuk është transferuar në Catania, siç zbuloi nëpërmjet një postimi në Facebook edhe gazetari Basir Collaku, lajm i përhapur më pas edhe në mediat vendase. Për Seitin, si dhe për të dyshuarit e tjerë, prokuroria ka mbyllur dosjen e hetimeve dhe së shpejti Habilaj dhe partnerët, duke përfshirë disa grosistë italianë të cilët operonin në Catania, do të dalin në gjyq.

Seanca e parë dëgjimore ka shumë gjasa të zhvillohet brenda pak javësh edhe pse data nuk është caktuar zyrtarisht. Policët shqiptarë e arrestuan Nezer Seitin gjatë një operacioni antidrogë në Babicë të Vlorës. Procedurat për ekstradimin e tij nuk ishin të thjeshta, madje u shoqëruan me shumë polemika politike. Në ballë të tyre u vu Partia Demokratike, kritike ndaj qeverisë së kryeministrit Edi Rama. Sipas PD-së, ministrja e Drejtësisë, Etilda Gjonaj kishte dhënë dritën e gjelbër për transferimin në Itali të Seitit për të shmangur përfshirjen në dosjen e Prokurorisë së Tiranës.

Seanca e sotme gjyqësore, e planifikuar të niste në orën 14:00 u mohua nga avokati mbrojtës Maurizio Catalano për MeridioNews.

Sakaq homologu i tij shqiptar Detar Hysi është shprehur se: “Seiti nuk ka shprehur ndonjë dëshirë për t’u penduar,” shpjegon avokati.