Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Fitore”, Matteo Salvini feston largimin e anijes me refugjatë drejt Spanjës

Politiko 11 Qershor 2018, 19:26
“Fitore”, Matteo Salvini feston largimin e anijes me refugjatë

Ministri italian i Punëve të Brendshme, Matteo Salvini, e konsideroi një fitore, pasi Spanja vendosi të presë një anije të ngarkuar me migrantë të bllokuar në brigjet e Maltës dhe paralajmëroi anijet e tjera të OJQ-ve se rrezikojnë të kenë të njëjtin fat.

“FITORE”, shkruan në “Twitter” me gërma të mëdha Salvini, që është gjithashtu kreu i Ligës (ekstremi i djathtë) pas dy ditësh krizë në Mesdhe rreth fatit të 629 migrantëve, të shpëtuar nga “Aquarius”, anije e përdorur nga një OJQ franceze në brigjet e Libisë.

Qeveria socialiste spanjolle e Pedro Sanchez është shprehur e gatshme të presë “Aquarius” në Valencia.

Italia pretendon se është lënë e vetme në menaxhimin e krizës migratore pa ndihmë nga partnerët e saj në Europë dhe Salvini është gëzuar gjithashtu që ka hapur një front në Europë për këtë problem.

Autoritetet italiane kanë rritur ndjeshën ditët e fundit thirrjet në drejtim të NATO-s për të siguruar një ndihmë më të madhe në luftën ndaj migracionit të paligjshëm me origjinë nga Afrika Veriore.

Të fundit