Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Fituan pa garë, kryebashkiakët e PS nisin punën: Celebrime martesore e inaugurime kopshtesh

Politiko 4 Gusht 2019, 15:03

Kryebashkiakët e konstituuar të Partisë Socialiste, të dalë nga votimet e 30 qershorit kanë nisur vrullshëm punën. Ndonëse kanë katër vitë në dispozicion për të plotësuar premtimet e dhëna, disa prej tyre kanë shpalosur projektet e para, siç është rasti i kryebashkiakut te Elbasanit, Gledian Llatja apo Valbona Sako në Durrës.

Me një stil "Veliaj" është prezantuar kryebashkiaku i Beratit, Ervin Demo që ka zgjedhur të nisë punën duke celebruar një çift të ri, para të cilëve është betuar se do të punojë fort për ata që kanë zgjedhur të jetojnë në këtë qytet.

"Ata kanë zgjedhur të ndërtojnë dhe të shohin të ardhmen e tyre dhe fëmijëve të tyre pikërisht në qytetin tonë! Kjo na vendos përpara përgjegjësisë së madhe për të punuar fort, e për ta bërë Beratin të denjë për të jetuar për gjyshërit, prindërit, për të rinjtë e mbi të gjitha për fëmijët tanë!", shkruan ai.

Ne Kukesi, Safet Gjici ka menduar për veten, duke zgjedhur të rikonstruktoj stadiumin e qytetit, ku luan ndeshjen klubi i futbillit, FK Kukësi që menaxhohet nga Lavdërim Gjici, vëllai i tij.

Më larg pamës është shfaqur kryebashkiaku i ri i Pogradecit që ka nisur punën duke promovuar liqenin e Lukovës, për të cilin thotë se do të jetë pjesë e prioriteteve të tij në katër vitet e ardhshme.

“Me këtë pamje të Liqeneve të Lukovës liqene me origjinë akullnajore në të cilët zhvillohet një ekosistem i pasur natyror me vlera të mëdha ekologjike, duke u bërë kështu pjesë e prioriteteve tona në mbrojtjen e trashëgimisë natyrore, ju uroj një ditë të mbarë”, shkruan ai.

Ndersa Rakip Suli në Kamëz dhe Valdrin Pjetri në Shkodër janë në pritje të mandatimit të tyre, pavarësisht se Xhelal Mziu dhe Voltana Ademi janë shprehur se nuk do t’i lirojnë zyrtat, pasi nuk e njohin 30 qershorin.

Gledian Llatja – Elbasan

Ervin Damo – Berat 

Valbona Sako – Durrës

 

Safet Gjici - Kukes

Flamur Golemi – Gjirokastër 

Agron Malaj – Burrel

 

Ilir Xhakolli – Pogradec

 

Erion Isai - Kolonjë

Të fundit