Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Flet gazetari që u njoh i pari me çështjen e Emiljano Nuhut: Po e sjell të plotë atë që më tregoi Zagani atë natë...

Politiko 28 Shtator 2018, 11:17

Flet gazetari që u njoh i pari me çështjen e Emiljano Nuhut: Po

Gazetari Taulant Kopliku ka qenë ndër personat e parë që është njohur me çështjen e nënkomisar Emiljano Nuhut, i cili ndodhet aktualisht i strehuar në një vend të BE-së, pas konfliktit të pretenduar me dy deputetët e PS, Taulant Balla dhe Rrahman Rraja.

Kopliku deklaron se ka qenë Dritan Zagani, ish-shefi i antidrogës, që e ka njohur me rastin dhe i ka kërkuar ndihmë për intervistimin e Nuhut. Ai thekson se pamundësia fizike dhe impenjimet nuk e lejuan të merrte përsipër intervistën.

Gazetari publikon të plotë të gjithë atë që i ka treguar Zagani dhe në fund ironizon me akuzuesit e gazetarit Basir Çollaku (i cili realizoi intervistën), që po përpiqen ta paraqesin si “skenarist të Partisë Demokratike”.

Reagimi i plotë i Taulant Koplikut:

Edhe unë mora pjesë aktive në skenarin e PD-së

Me datën 20 Shtator, me shkruan në msn Dritan Zagani. Më kërkon të komunikojmë për diçka. I përgjigjem se do ta telefonoja të nesërmen, por u ngarkova me punë dhe nuk arrita.

Të dielen pasdite, me dt. 23 në mbrëmje, më shkruan sërish. Kësaj radhe në whatsapp.

“Mirëmbrema shok. More se nuk e mora vesh, më harrove nga punët apo nuk më njohe”?

E telefonova menjeherë duke i kërkuar ndjesë.

Më pas nisi të më tregonte atë që tre ditë më pas do të kthehej në kryelajm.

Po mundohem ta sjell të plotë gjithë atë që më tregoi Zagani atë natë:

“Më ka kontaktuar para disa kohësh një punonjës policie. Më kërkonte me dëshpërim ta ndihmoja, sepse ndjehej i rrezikuar së bashku me familjen. Në fillim hezitova dhe kërkova të marr kohë. Nuk dija nëse po ndihmoja një njeri të ndershëm, një të korruptuar që rrezikonte burgun apo ndoshta dikë të futur nga ata që kam denoncuar publikisht. Pasi bëra disa telefonata me kontaktet e mia të mbetura atje, mora informacionin e nevojshëm se kush është personi në fjalë dhe çfarë i kishte ndodhur se fundmi në përballjen me deputetët socialistë dhe kryetarin e Bashkisë Krujë. Mora vesh se vërtetë ishte i rrezikuar, sepse kërcënimet ishin nga persona të skeduar si eksponente të krimit të organizuar në zonë. E rikontaktova dhe i dhashë mbështetje. E këshillova të mos fliste me njeri për destinacionin dhe i dhashë mikpritje. Gjithçka në një raport mirëbesimi mes dy personash që kanë përjetuar të njëjtën situatë nga pushteti bashkëpunëtor i mafias.

Tashmë ky djali bashkë me familjen ndodhen këtej (në Zvicër) dhe ka nisur procesin e paisjes me dokumenta nëpërmjet një avokati“.

Më pas Zagani më rrëfeu fjalë për fjalë të gjithë historinë e cila tashmë është e njohur nga të gjithë. Në fund më tha që nëse do jem i interesuar si gazetar, mund të flasim me këtë djalin.

Nisur nga pamundësia fizike, për shkak të impenjimeve, e falenderova, por i thashë se e kam të pamundur.

Vetëm dje, nga një status në fb i gazetarit Basir Çollaku, mësova se intervista ishte realizuar.

Sot, ka gjithë ditën që pyes veten, mos jam edhe unë skenarist PD-je pa ditur gjë?