Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

KRYESORE

Flet nipi i Klement Balilit: U vetëdorëzua, negociova vetë me drejtorin e policisë

Politiko 15 Janar 2019, 14:42

Flet nipi i Klement Balilit: U vetëdorëzua, negociova vetë me

All - Paragraf - 1

Në një intervistë për Ora News, nipi i Klement Balilit, Rigels Balili tregon për vetëdorëzimin e të afërmit të tij. Rigels Balili është edhe kryetari i bashkisë së Delvinës.

All - Paragraf - 3

"Negociatat kanë nisur që në momentin kur na njoftuan se është plotësuar dosja dhe është gati për t’u dorëzuar në gjyq. Sot bëmë të mundur dorëzimin në drejtorinë e Policisë. Nuk është arrestuar është vetëdorëzuar, kam shkuar unë në zyrën e drejtorit të policisë dhe kam bërë negociatën", tregon ai.

Zoti Balili, ju keni qenë pjesë e negociatave mes policisë dhe Klement Balilit për dorëzimin e tij?

Kur kanë filluar negociata?

Që në momentin që na kanë njoftuar avokatët që është plotësuar dosja dhe është gati për t’u cuar në gjyq. Në momentin që dosja do të shkonte në gjyq ai ishte i gatshëm të përballej me drejtësinë. Sot kemi bërë të mundur vetëdorëzimin në polici.

Ku ka qendruar?

Nuk pata kohë ta pyesja se ku kishte qëndruar, sepse shumë pak qëndrova, vetëm e dorëzova tek drejtori i policisë?

Ka një paqartësi, është vetëdorëzuar apo arrestuar?

Nuk është arrestuar, është vetëdorëzuar. Kam procesverbalin, kam shkuar unë tek zyra e drejtorit, kam bërë negociatën dhe ka ardhur drejtori e ka marrë në zonën e Delvinës.

A ka qenë e vështirë kjo negociatë dhe çfarë e kë bindur atë të dorëzohej?

Nuk ka qenë e vështirë, në momentin që dosja do të shkonte në gjyq, nuk do ti fshihej drejtësisë. Kushti i vetëm që ka qenë që të vetëdorëzohej

Do të kërkojë gjykim të shkurtuar?

Është pyetje që i takon atij jo mua.

Keni kërkuar garanci për jetën e tij dhe mos ekstradimin në Greqi?

Nuk i trembet drejtësisë sepse është i pafajshëm. Është vetëdorëzuar, nuk është arrestuar. Nuk mund të rrinte tre vjet në paraburgim derisa dosja të shkonte në gjyq.

Si është bërë komunikimi me të?

Nëpërmjet avokatit është komunikuar dhe avokati ka bërë negocimin me drejtorin e policisë.

Ka qenë Ardi Veliu në momentin e vetëdorëzimit në polici?

Po, ka qenë vetë drejtori i Policisë së Shtetit.

Keni një mesazh për autoritetet?

Drejtësia mos marrë për bazë mediat, pasi mediat i kanë vënë një titull "Eskobar", edhe ju jeni koshientë që nuk e meriton.

Kush janë qëndrimet e Balilit për akuzat?

Nuk më takon mua, i takojnë të pandehurit.

Mendoni se i keni bërë një shërbim drejtësisë?

Normalisht, tani që dosja është para gjykatës nuk ka pse të fshihet. Nëse është i pafajshëm të marrë pafajësinë, nëse është i fajshëm të dënohet në bazë të fakteve.

A mendoni se ka një kosto politike për ju, pasi thoni që është vetëdorëzuar, ndërsa policia thotë është arrestuar?

Atë që pohova e them me përgjegjësi. Është vetëdorëzuar.