Formohen dy grupet e reja parlamentare, Hajdari dhe Musai shmangin PD-në dhe LSI-në

Janë formuar dy grupet e reja parlamentare që përbëhen nga deputetët e rinj të cilët pranuan mandatet pas largimit të Partisë Demokratike dhe Lëvizjes Socialiste për Integrim. Deputetët që hynë nga listat e PD-së dhe LSI-së kanë zyrtarizuar sot dy grupe të veçanta parlamentare, në krye të së cilave janë zgjedhur Rudina Hajdari dhe Nimet Musai.

Hajdari do të drejtojë Grupin Parlamentar Demokrat, ndërsa Musai do drejtojë Grupin Parlamentar të Pavarur.

Deputetët e rinj kanë shmangur Partinë Demokratike dhe Lëvizjen Socialiste në emërtimet e grupeve të reja.

Grupi Parlamentar Demokrat:

Rudina Hajdari – Kryetare

Myslim Murrizi

Alban Zeneli

Arben Elezi

Korab Lita

Halil Jakimi

Arlind Çarçani

Grupi Parlamentar i Pavarur:

Nimet Musai – Kryetar

Ylli Shehu

Enver Roshi

Aurora Mara

Edlira Hyseni

Ralf Gjoni

Nimet Musai