Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Forumi për Energjinë/ Balluku: Më shumë bashkëpunim rajonal, të rrisim ekonominë e Ballkanit

Politiko 7 Shtator 2019, 16:16
Forumi për Energjinë/ Balluku: Më shumë bashkëpunim

Ministrja e Infrastrukturës dhe Energjisë të Shqipërisë, Belinda Balluku mori pjesë në Forumin e Evropës Juglindore për Energjinë, ku diskutoi me ministrat e rajonit rëndësinë e korridoreve strategjike të transmetimit dhe bashkëpunimin rajonal.

Interesimi i vendeve është krijimi i linjave të interkonjeksonit të energjisë elektrike dhe gazit, por edhe krijimi i blloqeve të përbashkëta të investimit qofshin këto në gazifikim apo në gjenerimin e energjisë elektrike.

Pikërisht për këtë kolën të pranishmit ën forum, të organizuar nga Dhoma e Tregtisë Amerikano – Greke dhe Shoqata greke për Ekonominë Energjetike.

“Në Forumin e Energjisë për Evropën Juglindore u diskutua për bashkëpunimin rajonal për krijimin e linjave të interkonjeksonit qofshin këto të energjisë elektrike apo linjave të interkonjeksionit të gazit, të cilat sot kanë rezultuar që janë komponentët më të fortë në të cilat duhet të ngrihet rritja ekonomike e vendeve të Ballkanit. Çfarë tjetër diskutuam gjatë këtij forumi shumë të rëndësishëm ishte dhe bashkëpunimi në fushën ekonomike midis shteteve tona, krijimi i blloqeve të përbashkëta të investimit qofshin këto në gazifikim apo në gjenerimin e energjisë elektrike”, u shpreh në përfundim të forumit ministrja Balluku.

Ndryshe nga vendet e tjera, të cilat sot flasin për problematikat e emetimit të gazeve apo për uljen e kuotave të karbonit, Shqipëria është i vetmi vend në Ballkan, por sigurisht dhe në Evropë i cili prodhon 100 për qind energji të rinovueshme.

“Ky fakt ne na dallon nga shtetet e tjera por gjithashtu çfarë ne punojmë sot dhe çfarë unë kam deklaruar gjatë forumit është diversifikimi i burimeve të energjisë pasi ne na duhet që këto burime të jenë burime të mjaftueshme për kërkesat që vendi sot ka dhe për të zvogëluar dhe minimalizuar importet e energjisë që ne kemi gjatë periudhës së verës, pra gjatë kohës kur duhet më shumë energji për të dhënë të gjithë abonentëve të rrjetit”, theksoi ministrja e Infrastrukturës dhe Energjisë.

Pjesëmarrja e Shqipërisë dhe Maqedonisë së Veriut në këtë forum është vlerësuar edhe në një drejtim tjetër, atë të procesit të integrimit evropian, për të cilin këto dy vende presin në muajin tetor një vlerësim pozitiv nga BE.

Të fundit